Magapatukod ang gobyerno probinsiyal sang Negros Occidental sang special inspection team nga magatutuk sa pag usisa sa ginapatigayon nga palay procurement ukon pagpamakal humay sang Capitol Government Employees Community Multi-Purpose Cooperative ukon (CAPGEM) sa lokal nga mangunguma sa probinsiya.
Suno kay Gobernador Eugenio Jose Lacson, ini ang ila nadesisyonan agud maresulbar ang problema nga naexperiensyahan sa una nga pagbakal sang 108 ka saku nga humay sang Capgem nagligad nga bulan.
P5 milyones pesos ang ginpain nga pondo sang probinsiya sa pagpamakal sang humay kag P1 million peso sa support services bilang bulig sa mga mangunguma nga naapektohan sang rice tarrification law.
Ang Capgem amo ang gin task sang probinsiya nga magpamakal sang humay, antis ibaligya sa gobyerno probinsiyal sa mas mataas nga presyo.
Ini nga humay ang ipagaling kag ang bugas amo ang magaserbe bilang suplay sang Provincial Social Welfare and Development Office. | Aksyon Marlon Genovea