Ginpili sang gobyerno probinsiyal sang Negros Occidental ang Community Multi-Purpose Cooperative ukon (Capgem), nga amo ang magabulig sa implementasyon sang palay procurement program.
Suno kay Governor Eugenio Jose Lacson, ang Capgem nga isa ka multi-million cooperative, amo ang una nga magabakal sang humay sa mga mangunguma antis ibaligya sa gobyerno probinsiyal.
Pahayag pa sang gobernador, nga sa bulan pa sang Oktobre maumpisahan ang pagpamakal sang humay bangud ginahulat pa ang 15 diyas nga pag publish sa pamantalaan sa ginpasar nga ordinansa nga amo ang ginbasihan sang programa.
Sadtong Setyembre 13, gin aprobahan sang Sangguniang Panlalawigan ang P5 milyones pesos nga alokasyon sa pagbakal sang humay, samtang Setyembre 17 ini ang gindugangan sang P1 million ka pesos para sa support services. | Aksyon Marlon Genovea