PROBINSYA GIN HATAGAN SANG ISA KA TUIG NGA PLASO ANG NCB NGA MAGHALIN SA LAGOON

Share on facebook
Share on pinterest
Share on twitter
Share on print

Ginhatagan sang isa ka tuig nga plaso sang gobyerno probinsiyal ang Negros Cooperative Bank ukon (NCB,) agud maghalin sa capitol lagoon dalan North-Capitol syudad sang Bacolod.

Suno kay Governor Eugenio Jose Lacson, isa ini sa mga ginkasugtan sa sinapol nga ginpatigayon sa kapitolyo sadtong Biyernes.

Dugang pa ni Lacson, nagpangabay ang NCB sang malawig nga tion agud makapreparar sa pagpangita sang masaylohan.

Ginpasalig man ni Lacson sa NCB nga magabulig ang probinsiya sa pagpangita sang saylohan kag pagbayad sang arkila kun kinahanglanon.

Suno sa gobernador, gin-ako sang mga opisyal sang NCB nga wala sila nagabayad sang bill sa elektrisidad bangud nakaangot ang koneksyon sini sa building sang kapitolyo.

Ginpasalig sang NCB nga magatakod sila sang kaugalingon nga metro samtang nagahulat sang isa ka tuig agud makasaylo.

Nag ugat ang isyu sa NCB, matapos matukiban nga wala nagabayad sang bill sa tubig kag elektrisidad ang amu nga banko. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.