PRISO NGA NAG PALAGYO, NAG SUNGKA

Share on facebook
Share on google
Share on pinterest
Share on twitter
Share on print

Nahunong karun sa selda sang Police Station 1 ang priso nga nagpalagyo matapos nagsungka sa Bacolod City Police Office (BCPO) kaina sang udto, Sabado.

Suno kay BCPO Director Col. Henry Biñas, nag sungka ang preso nga si James Brisuela sa bulig man sang opisyal sang Barangay 3.

Suno kay Brisuela, indi niya mabaton ang kaso nga ginpasaka sa iya sang kapulisan kag gin-aligar nga “planted” ang mga ilegal nga droga nga narekober sa iya nga posisyon sang gindakop sang kapulisan sang Police Station 2 sadtong Mayo 4.

Si Brisuela ang nagderetso sa iya anay live-in partner matapos nagpalagyo.

Dugang pa ni Brisuela, plano nalang kun tane sini nga mag-upod sa pwersa sang mga rebelde sa kabukiran agud mapalagyuhan ang kaso apang ginpilit ini sang iya anay live-in partner nga magsungka.

Nagpangayo si Brisuela sang pasaylo sa mga kapulisan nga nahalitan bangud sa iya nga pagpalagyo.

Suno kay BCPO Director Biñas, nag umpisa na ang imbestigasyon sa insidente kag klaro nga may pagpabaya sa kapulisan nga naga-duty.

Lakip sa gina imbestigahan amo si Police Station 2 Commander Police Major Sherlock Gabana.

Gin pahayag ni Gabana, nga “The damage has been done,”

Suno kay Gabana, kun tane ginhulat nalang ni Brisuela ang resulta sang iya gin-applyan nga plea bargaining agreement kag nagsunod sa nagakaigo nga proseso agud indi na madugangan pa ang alatubangon nga kaso.

Dugang pa ni Gabana, bangud sa ginbuhat ni Brisuela ginpasakaan na sang kaso kriminal ang jailer sang Police Station 2 nga si Police Staff Sergeant Loduvico Dela Raya kag ginapaidalom na sa imbestigasyon ang duha ka iban pa nga mga kapulisan.

Bangud sa ginhimo nga pagpalagyo ni Brizuela, ginkumpirmar sini nga ma-revoke na ang aplikasyon sini sa plea bargaining agreement.

Suno pa kay Gabana, indi man matuod ang alegasyon sang preso nga planted ang mga droga nga nakuha sa sadto sa operasyon. | Aksyon John Diaz, Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.