Ginpahayag ni Bacolod City Vice Mayor El Cid Familiaran nga ginatalakay na sang komitiba ni Bacolod City Councilor Archie Baribar ang pag-istrikto sa mga restaurant nga pasugtan nga mag akumodar na sang ‘dine in’.
Suno kay Familiaran, ang preventive measures nga ipatuman sa ‘dine in setup’ ang isa lamang sa gintalakay kasunod nga may yara na sang panibag o nga paghalog sa restrictions pag abot sa Hunyo 1.
Dugang pa, ginasuhestiyon ni Familiaran nga kon mag umpisa na pagbaton sang dine in, mas maayo nga may ibutang nga log book nga magaserbi butangan sang ngalan sang mga customer agod sa ti-on nga may yara sang ma-infect, madasig ang contact tracing nga mapatuman.
Palayag pa ni Familiaran nga dapat i-require man ang pagsuksuk sang face shield kag gloves sa mga empleyado agod masiguro nga mahilway sang virus.