PRESIDENTE DUTERTE, GIN AKIGAN ANG LIMA KA MGA ANAY PULIS SA BACOLOD

Share on facebook
Share on google
Share on pinterest
Share on twitter
Share on print

Nakatilaw sang akig kay Presidente Rodrigo Duterte si anay Acting Bacolod City Director Senior Supt. Francisco Ebreo kag apat pa ka opisyal sang pulis nga ginkakas sa pwesto bangud sang gin alegar may kahilabtanan sa operasyon sang iligal nga droga.

Suno kay Presidential Spokesman Salvador Panelo, akig ang presidente bangud ginpabay-an nanday Ebreo, Senior Supt. Allan Macapagal, Supt. Richie Yatar, Supt. Nassruddin Tayuan kag Senior Insp. Victor Paulino nga pagdamu sang iligal nga droga sa Bacolod.

Dugang pa ni Panelo, dismayado ang presidente tungod kaangay nga wala sang ihibalo ang mga ginkakas nga pulis sa presensiya sang pila ka personalidad sa Bacolod nga yara sa operasyon sang iligal nga droga.

las singko kahapon sang hapon, Enero 15 sang nag atubang ang lima ka opisyal sang pulis kay Duterte kag naglawig ang ila pag istoryahanay sang 20 minutos.

Ginpasiguro naman sang Malacañang nga magaagi sa due process ang lima ka pulis kag ipaidalom sa imbestigasyon.

Sa pihak nga bahin, ginpanginwala nanday Ebreo nga imbolbado sila sa iligal nga droga.

Photo: Rappler

MORE STORIES:

LIKE US ON FB

error: Ooops... You are not authorized to copy this content.