PRC MOLECULAR LAB SA BACOLOD SARANG MAKAPATIGAYON SANG 1,400 RT-PCR TESTS SA KADA ADLAW

Share on facebook
Share on pinterest
Share on twitter
Share on print

Prayoridad sa karon sang Philippine Red Cross (PRC) Molecular Laboratory sa syudad sang Bacolod nga mapaidalum sa Covid-19 testing ang mga frontliners.

Ang laboratoryo nga may kapin 20 ka mga personnel ang nahamtang sa corner sang 10th kag 11th Lacson Street ang pormal nga nag bukas sadtong Martes nga adlaw.

Amg laboratoryo ang makapatigayon sang 1,400 tests sa kada adlaw kag mag gwa ang resulta sa sulod sang24 tubtob 48 oras.

Suno kay PRC Negros Occidental Bacolod Chapter Governor Jay Jalandoni, natalana sila nga mag pagwa sang guidelines angut sa Covid-19 testing para sa mga pribado nga indibidwal.

Dugang pa ni Jalandoni, may yara na sang nag donar nga duha ka swab booths kag naga pangita sila karon sang lugar kon diin ini ipahamtang bangud indi nila luyag nga lapit sa laboratoryo paga kuhaan sang swab specimen ang isa ka persona.

Sa tion nga mag gwa na ang guidelines, ang testing para sa mga private individual kag private hospital ang naga balor sang 4,000 pesos samtang ang swab nga gikan sa gobyerno ang maga balor sang 3,500.

Suno kay Jalandoni, indi mag baton ang Laboratoryo sang walk-in kundi dapat una nga mag tawag sa ila, mag bayad sa bangko, kag hatagan sang schedule kag lugar sang swab test.

Aminado si Jalandoni nga sadtong Marso nag pakig-angut sila PhilHealt kag libre kuntane ang testing sa mga Philhealth Card Holder pero wala pa ini sang kasiguraduhan bangud naga padayun pa ang diskusyon.

Ini ang ikaduha nga laboratory sang PRC sa Visayas kag ang una ang yara sa Cebu.

Bukas man ang laboratoryo para mag baton sang swab specimen gikan sa Iloilo kag Negros Oriental. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.