MENU

PORSYON SANG CAPITOL SOUTHWING LIWAT NGA GIN BUKSAN

  • at 7:24 pm
Share on facebook
Share on pinterest
Share on twitter
Share on print

Ginbuksan na subong nga adlaw, Hwebes ang lower kag upper portion sang Negros Occidental Provincial Capitol Southwing, matapos sirad-an bangud sa pagpositibo sa COVID-19 sang isa ka Technical Assistant (T.A.) sang Provincial Board Member.

Ini ang ginpahayag ni Sanguniang Panlalawigan (SP) Secretary Atty. Maki Angel Ascalon.

Suno naman kay Vice Governor Jeffrey Ferrer, may mga tikang sa gihapon nga ipatuman sa mga talatapan sa SP, agud mapasiguro nga ginasunod ang health kag safety protocols sang nagasulod nga mga tawo.

Agusto 3 sang ipaidalom sa sealed-off ang pila ka bahin sang Capitol Southwing bangud sa ginpatigayon nga disinfection.

Sa karon padayon nga naka quarantine sa Provincial Healing Centre ang nagpositibo nga T.A., samtang nagnegatibo naman sa COVID-19 ang mga naka close contact sini nga empleyado. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

TUBTOB MAYO 30 GINPANGABAY SANG MGA NAGA NEGOSYO SA VENDORS’ PLAZA

April 19, 2024

Nagapangabay si Kapitan JR Alcantara sang Barangay 12 sang dugang nga 15 tubtob 30 dias para maka preparar kag makasaylo ang mga nagabaligya pa sa vendors’ plaza.

Una nga ginpahayag ni City Legal Officer Atty. Romeo Carlos Ting Jr., nga sa pag abot sang Lunes, Abril 20, pwersa nga pahalinon ang nabilin nga nagabaligya sa lugar kon indi boluntaryo nga magbiya matapos ang demand letter nga ginpapanaug.

Suno kay Alcantara, madugay na nga nagabaligya sa lugar ang mga naga karenderya antes paman gintukod ang vendors’ plaza.

Suno kay Alcantara, nagapangabay ini sang human consideration sa mga ma apektuhan nga ma plastar ang mga magagmay nga negosyante antes nga pahalinon lakip man ang financial assistance.

Liwat nga ginatindugan ni Alcantara ang pahayag sadto ni Mayor Albee Benitez nga wala sang demolisyon nga matabo kon wala pa maplastar ang sayluhan.

Ginpahayag sang Kapitan, gina comply pa sang iban nga residente ang requirements para sa relocation site sa Barangay Vista Alegre.

Sa record sang BHA, sa 64 ka kwalipikado nga pamilya, 35 na ka pamilya ang nakabaton sang award nga lote sa relocation site.

Suno kay Jerry Badayos, 50 anyos, 10 ka tuig na siya nga naga tyangge sa amo nga lugar kag ini ang nagaserbe sini nga palangabuhian.

Suno kay Badayos, sa meeting nila kaupod kay kapitan, nagpangayo sila sang bulig para nakalambot kay Mayor Albee Benitez ang ila pangabay nga makatiner kag makabaligya tubtob pa sa Mayo 30 kag indi sa adlaw nga ginhatag sang City Legal Office nga tubtob nalang sa Abril 22.

Ginapangabay man ni Badayos nga mahatagan sila sang pwesto sang syudad para makapadayon sa pagbaligya.

What’s your Reaction?
+1
0
+1
0
+1
0
+1
0
+1
0
+1
0
+1
0

GROUNDBREAKING CEREMONY SANG NAYON PANUBLI-ON HOUSING PROJECT SA ISABELA, GINPATIGAYON

April 19, 2024

Ginpatigayon ang groundbreaking ceremony sa Nayon Panubli-on Housing Project sa Brgy. 9 banwa sang Isabela, Negros Occidental Byernes sang aga Abril 19, 2024.

Ang seremonya ginpamunuan ni Municipal Mayor Irene Montilla, kag iban pa nga mga opisyal sang gobyerno.

Suno sa alkalde, ini nga proyekto ang makabenepisyo sa mga residente sang banwa nga miyembro sang Home Development Mutual Fund (HDMF) ukon Pag-IBIG.

Suno kay Montilla, indi lamang puluy-an ang patukuron sa lugar, kundi pahamtangan man sang merkado, bagsakan center, food storage, basketball court kag transportation terminal.

Ginklaro sang alkalde nga wala sang gastuhon ang banwa, kundi ang developer nga Homeworld Construction nga amo ang magapatukod sang proyekto sa masobra 6 ka hektarya nga propeidad nga gindonar sang munisipalidad. Magluwas sa mga balay, patukuron man ang Central Philippine State University, Isabela National High School, PNP-Special Action Force, Technical Education and Skills Development Authority, kag evacuation center.

Target nga maumpisahan ang development sa lugar sa bulan sang Mayo ukon Hunyo subong nga tuig.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.