Ginkadismaya ni Pontevedra Mayor Jose Benito Alonso ang liwat naman nga pag ula sang higku sang ROXOL BIOENERGY CORPORATION sa syudad sang La Carlota kahapon sang aga (Oktubre 7). Suno kay Alonso, nakabaton siya sang tawag gikan sa iya mga tawo nga may higku naman nga nagsimpon sa tubig suba sang Barangay Don Salvador, San Juan kag 1.
Nagapati ang alkalde nga ang higku ang nagikan sa ROXOL, bangud nag-ulan sa Pontevedra sadtong Sabado, gani nga ginhingagaw nila nga paawason naman ang higku, Domingo sang aga. Gintawgan ni Alonso si Shiela Algara sang ROXOL, apang wala ini naga sabat agud kun tani tawgon ang ila igtalupangod.
Nagatinguha man ang alkalde nga tawgan ang Central Azucarera de la Carlota Inc. (CACI) nga isa pa gid nga posible didto man naghalin ang higko, agud pamangkoton kun ila bala ini apang wala man gasabat. Nagalaum si Alonso nga wala sang may magkalamatay nga isda sa suba, apang indi maayo nga resulta sa ikaayong lawas sang publiko.