Ginkompirmar ni Pontevedra Vice Mayor Jimmy Gavan nga nagpositibo sa Covid-19 si Mayor Jose Maria Alonso.
Sa interview sang Aksyon Radyo Bacolod, ginpahayag ni Gavan nga una nagpa swab test si Alonso kahapon Setyembre 23, 2020 kag nahibaluan ang resulta kaina sang aga.
Suno kay Gavan wala sang kabalak-an ang mga pumuluyo sa ila banwa, bangud asymptomatic ukon wala man sang ginabatyag nga simtomas ang alkalde.
Suno kay Gavan, may patigayunon nga contact tracing sa masunod nga adlaw kag kuhaan man sang swab test ang mga persona nga nakasugilanon sang alkalde, labi na sa Municipal Hall.
Si Alonso amo ang ikaduha nga alkalde sa Negros Occidental nga nagpositibo sa Covid-19.
Sadtong Agusto nagpositibo man si Mayor Marvin Malacon sang EB Magalona. | Aksyon Marlon Genovea