POLICE STATION 9 PADAYON PA ANG IMBESTIGASYON SA PAGTIRO SA MANUGPATAYA STL

Share on facebook
Share on google
Share on pinterest
Share on twitter
Share on print

Ginakonsiderar sang kapulisan sa Police Station 9 nga person of interest ang pakaisa sang biktima nga gintiro sa Purok Fatima 2 Barangay Sum-ag syudad sang Bacolod kagab-i, Myerkules.

Ini ang palayag ni Police Lt. Gilbert Batiles hepe sang Police Station 9.

Suno kay Batiles sarang man magamit nga testigo sa pagpatay ang pakaisa sang biktima.

Sa karon maid-id nga gina-interogar ni Batiles ang pakaisa sang biktima nga yara sa ila paghinakop.

Gintiro sang riding in tandem si Gaudioso Empase, 53 anyos nga pumuloyo sang SP Village Barangay Pahanocoy.

Pauli na ang biktima sakay sa iya trisikol halin sa pagremit sang pataya sa STL upod sa iya pakaisa nga si Rolly Empace sang matabo ang insidente.

Suno kay Batiles wala na makita ang pakaisa sang biktima nga nagpalagyo matapos ang insidente.

Nagsungka sng Hwebes sang kaagahon  si Rolly Empase sa Police Station 6 kag ginturn-over sa Police Station 9.

Si Gaudioso Empase ang may apat ka igo sang luthang sa ulo, siko kag likod gamit ang 9mm pistol kag calibre 45.

Ginpangabay ni Batiles ang pamilya nga ipa-idalom sa autopsy ang bangkay ni Gaudioso Empase para magamit nga ebidensya sa pagpasaka sang kaso. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.