POLICE STATION 5, MANGAYU BULIG SA NBI ANGUT SA INSIDENTE NGA PAG SULOD SA EDIPISYO SA BARANGAY ALANGILAN

Share on facebook
Share on google
Share on pinterest
Share on twitter
Share on print

Bacolod City – Magapangayo sang bulig ang kapulisan sang police station 5 sa National Bureau of Investigation ukon NBI agud magkuha ang facial composite sang mga persona nga nagsulod sa ginaobra nga edepisyo sa Las Altas Barangay Alangilan, syudad sang Bacolod.

Madumduman nga indi magnubo sa lima ka armado nga lalaki ang nagsulod sa nasambit nga edepisyo nga ginapanag-iyahan ni Ian Lo kag ginapangita ang armas luthang.

Sang wala sila may nakuha nga armas luthang ila ginbuka ang crystal kag plano sunogon ang edepisyo apang wala ini madayon.

Suno kay Chief Inspector Carmelo Nermal, hepe sang Police station 5 nagpatigayon sila sang case conference agud makilala ang mga persona nga nagsulod sang nasambit nga edepisyo.

Dugang pa ni Nermal makilala sang caretaker ang mga nagsulod kon iya ini liwat makita.

Samtang wala pa matumod sang kapulisan kon ano nga grupo ang nagsulod sa edepisyo ni Lo.

MORE STORIES:

ANU ANG IMO MA KOMENTO?