POLICE STATION 4 WALA PA SANG MAY NAKUHA NGA STATEMENT SA BIKTIMA NGA GIN TIRO SA VILLA ANGELA

Share on facebook
Share on google
Share on pinterest
Share on twitter
Share on print

Wala sang may nakuha nga impormasyon ang inbestigador sang Police Station 4 matapos maka-duha  ini ka beses nga nagbalik sa Bacolod Adventist Medical  Center para usisaon ang biktima sang pag pangluthang  nga si Mark Anthony Cubos, 37 anyos sang Barangay 4.

Si Cubos ang gin tiro sa Villa Angela Subdivision, Brgy.  Villamonte, Biernes sang gab-i.

Ang biktima ang  nagpangabay sa kapulisan nga indi pa siya maghatag sang  komento angut sa pag tiro sa iya.  

Suno sa biktima mahatag siya sang panaysayon kon  mag-ayo na ang iya pilas sa ulo kag dughan.

Nagasakay sa Toyota Vios si Cubos sang gintiro ini gamit  ang calibre 45.

Suno kay Police Major Charles Gever, hepe sang Police  Station 4, gina-review nila karon ang CCTV sang eskwelahan sa pagpati nga may makuha sila nga  description sa suspetsado.

Suno kay Gever nagahulat ang suspetsado sa atubangan  sang eskwelahan kag sang maglabay ang salakyan ni  Cubos didto ginpa-arakan luthang ang biktima.  Sa karon indi pa mahibaloan ang motibo sa pagtiro sa  biktima.

Una nga gin kumpirmar ni Police Capt. Leo Estopa, hepe  sang Police Station 2 nga ang biktima ang is aka drug  surrenderer sang Barangay 4. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.