POLICE STATION 4 GINA LANTAW NGA BANGUD SA UTANG ANG MOTIBO SA PAGPATAY SA MANUGBALIGYA MANOK SA BURGOS MARKET

Share on facebook
Share on google
Share on pinterest
Share on twitter
Share on print

Utang ang isa sa mga anggolo ginalantaw sang Police Station 4 sa pagtiro kay Raymart Indino alyas “Kalbo” 39 anyos nga pumuloyo sang Galo-Ramos St. Barangay 19 syudad sang Bacolod kagab-i, Myerkules.

Nadala pa sa hospital si Indino apang napatay man ini matapos maka-angkon sang anom ka pilas tuga sa pagluthang gamit ang calibre 45.

Sa una nga inbestigasyon ni Police Major Charles Gever, hepe sang Police Station 4, nagakaon ang biktima sang ini ang gin tiro sang riding in tandem suspects.

Ginlagas pa sang hinablos sang biktima ang suspetsado agod lampusan sang botelya apang siya mismo ang tuyo man nga tiruhon apang wala na sang bala ang armas sang suspetsado.

Suno kay Gever, antis natabo ang pagtiro sa biktima may pamahog na ini sa iya kabuhi.

Suno kay Gever posible may ihibalo ang asawa sang biktima sa mga transaksyon sang iya bana.

Nag pangabay si Gever sang kooperasyon sa pamilya sang biktima agod masolbar ang kaso kag makilala ang mga persona nga naghimo sang

kremin. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.