POLICE STATION 2 MAY KAUGALINGON NA NGA ISOLATION FACILITY

Share on facebook
Share on pinterest
Share on twitter
Share on print

Operational na ang isolation facility sang Bacolod City Police Office (BCPO) Police Station 2 (PS2).

Ang isolation facility ang nahamtang sa sulod sang compound sang Police Station 2.  

Suno kay Police Station 2 Commander Police Captain Leo Estopa, nagpatukod sang isolation facility sang kapulisan agud mangin temporaryo nga custodial facility para sa mga priso nga bag-o nagkaladakpan kag nagapaidalom pa sa COVID-19 test.

Ang budget sa pagpatindog sang isolation facility ang gikan sa Association of Barangay Councils of PS2 nga ginabug-usan sang 12 ka mga numbered barangays.

Pagpahayag ni Estopa, ginabulubanta 40 tubtob 50 mil ang gasto sa pagpatukod sang amo nga facility.

Nahibaloan nga sadto may priso sa PS2 nga nagpositibo sa COVID-19 nga naglaton sa iban nga mga kapulisan. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

HIGH SCHOOL STUDENT, PATAY SANG NALAMPOS ANG ULO SA DUTA SANG SUBA

Patay ang isa ka menor de edad sang malumos sa suba nga sakop sang Hacienda Antolanga, Barangay Tinongan banwa sang Isabela la 1:30 sang hapon, Domingo (Marso 17).

Ang biktima naga-edad sang 16 anyos kag isa ka high schoold student.

Suno kay Police Captain Rjay Dangarang, hepe sang Isabela PNP, nagpaligo ang menor de edad upod ang apat ka iban pa niya nga kaupdanan sa Citizen Advancement Training (CAT) sa ila bolothoan.

Ginpahayag ni Dangarang nga naglumpat sa suba ang biktima kag mahimo nalampos ang iya ulo sa duta bangud nga manabaw lamang ang suba.

Ulihi na lamang nga natalupangdan sang iya mga kaupdanan nga wala na makabutwa ang biktima.

Gindala sa ospital ang biktima bilang kabahin sang proseso kag gindeklarar nga dead on arrival ni Dr. Lladen Espallardo.

What’s your Reaction?
+1
0
+1
0
+1
0
+1
0
+1
0
+1
0
+1
1

TIYO, PATAY SANG GINTIRO SANG HINABLOS SA BARANGAY GRANADA

Patay ang 72 anyos nga tiyo matapos ginluthang sang iya hinablos sa Crossing Carmen, Barangay Granada, syudad sang Bacolod, Lunes sang gab-i, Marso 18, 2024.

Ang napatay ginkilala kay Rafael Cahina, napilasan man ang bata sini nga si Noel Cahina, 45 anyos samtang ang suspek ginkilala naman kay Jano Cahina, 35 anyos lunsay residente sang amo nga lugar.

Sa inisyal nga pagpangusisa ni PCapt. Portia Nillosan, hepe sang BCPO-Police station 5, ginaalegar ginsaway sang suspek ang iya tiyo matapos ginlawig sini ang iya karabaw sa duta sa Airsoft range nga ginabantayan sang suspek.

Ginpahayag man ni Nillosan, bangod man sa madugay nga dinumtanay, nagsabtanay pa ang magtiyo, rason nga nagkuha sang homemade shotgun si Jano Cahina kag ginluthang ang biktima.

Ginpahayag man ni Nillosan, nga ginhingagaw pa kon tani dala sa Corazon Locsin Montelibano Memorial Regional Hospital si Rafael apang gindeklarar nga dead on arrival basi sa deklarasyon ni Dr. Ellenfer Magbanua.

Ang biktima ang nakaangkon sang malubha nga pilas sa nawala nga bahin sang lawas samtang si Noel naman ang nakaangkon sang pilas sa nawala nga butkon.

Sa follow-up operation sang kapulisan, naaresto si Jano Cahina kag karon nahunong sa custodial facility sang Police Station 5 kag magapangatubang sang kaso nga Homicide.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.