POLICE STATION 2: GIN ALEGAR ABDUCTION SA DALAN LACSON WALA SANG KAMATUORAN

Share on facebook
Share on google
Share on pinterest
Share on twitter
Share on print

Wala sang kamatuoran ang una nga report abduction natabo nagligad nga semana sa 19th Street Lacson Barangay 5 syudad sang Bacolod nagligad nga semana.

Ini ang resulta sang inbestigasyon ginhimo sang Police Station 2 sa pagpamuno sang hepe nga si Police Capt. Leo Estopa.

Suno kay Estopa, ginverify nila sa Land Transportation Office ang duha ka plate number nga nakuha sang witness kag caller apang wala record sa LTO.

Suno kay Estopa, wala man sang persona nga nagparecord sa police station nga missing persona matapos sang insidente.

Mismo ang Anti Kidnapping Group ukon AKG sa rehyon sais nagpakig-angot man sa Police Station 2.

Suno kay Estopa, wala sang dapat kabalak-an ang pumuloyo sa iya nasakupan bangod wala ini sang kamatuoran.

Sa una nga report isa ka babaye ang pwersa ginpasakay sa itom nga Toyota Avanza sang duha ka lalaki nagligad nga semana kag nagpalagyo sa wala mahibaloan nga lugar. | Aksyon Eric Magbanua

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.