Ginkalipay ni SP01 Daryl Alferez upod ang iya pamilya sang iya nabaton ang financial assistance halin kay Acting Bacolod City Police Office Director Senior Supt. Francisco Ebreo.
Si Alferez ang nateruhan kag nabuka gid ang tul-an sa iya tuhod sang nagpatigayon sang buybust operation sa Granada-Alangilan Road, Barangay Granada syudad sang Bacolod nagligad nga Oktubre 5.
Suno kay Ebreo nagatipon man sang kwarta ang kapulisan para igadugang sa financial assistance kay Alferez.
Gin-abaga naman sang Police Reg’l Office 6 ang kagastohanan ni Alferez ilabe na sa pagpa-opera sang nabuka nga tul an sa tuhod kag ang bulong.
Luyag ipakita ni Ebreo nga handa siya magbulig sa iya kapulisan pinansyal man o legal ilabe ang yara sa duty.
Dugang pa ni Ebreo posible nabaton man ni Alferez ang financial assistance sa mga programa nga sadto ginlunsar sang Bacolod City Police Office katulad sang walk for a cause, concert kag swim for a cause.
What’s your Reaction?
+1
+1
+1
+1
+1
+1
+1
