Luwas na sa katalagman kag padayon pa ginabulong sa Riverside Medical Center si P01 Larry Dago 25 anyos tumandok sang banwa sang Janiuay sa probinsya sang Iloilo.
Si P01 Dago ang may igo sang luthang sa tiil matapos aksidente nga naglupok ang iya calibre 45.
Suno kay Senior Insp. Marc Joel Reclamado hepe sang Police station 1 aksidente nga nagsangit ang bull-cup sa hammer sang armas luthang ini rason nga naglupok.
Nag-abot naman ang Regional Health Services sang Police Regional Office 6 agud magbulig sang kinahanglanon sang biktima sa hospital.
Ginpahanumdum man ni Reclamado ang kapulisan nga nadestino nga likawan ang mag load sang bala sa chamber nga unay kag pagbutang sang bull cup sa kilid sang ila armas agud malikawan ang katulad nga insidente.