PNP, NAGAPREPARAR NA SA MAABOT NGA ELEKSIYON

Share on facebook
Share on google
Share on pinterest
Share on twitter
Share on print

Negros Occidental –  May mandu nga ginpapanaug ang Camp Crame sa Negros Occidental Police Provincial Office ukon NOCPPO may kaangtanan sa maabot nga eleksyon.

Suno kay Senior Superintendent Rodolfo Castil Jr., Provincial Director sang NOCPPO, luyag sang camp crame nga kon si sin-o man ang pulis nga may himata nga nagfile sang Certificate of Candidacy ukon mapapili sa eleksyon kun diin sila nga lugar nadestino, iga saylo sa iban nga syudad ukon banwa.

Dugang pa ni Castil, bisan ang mga Chief Of Police kinahanglan nga isaylo kon may kapamilya sila nga magapili.

Tinutuyo sang amo nga mandu nga malikawan ang intriga nga nagahatag sang bulig kag pabor ang kapulisan bangud may kilala nga kandidato.

Sa karon, my mga record na ang NOCPPO sang mga pulis nga igasaylo kag nag umpisa na ini tinalikdan nga semana. Ginpasiguro naman ni Castil nga matapos ang eleksyon,igabalik sila sa ila place or assignment.

ISA PATAY, ISA PILASON MATAPOS NA AKSIDENTE ANG TRICYCLE SA SAGAY

Ginbawian sang kabuhi ang bana, samtang pilason ang asawa sa nagluntad nga aksidente sa Taytay Tan-ao, Purok Taklong, Barangay Bato, Syudad sang Sagay las 3 sang hapon, Myerkules.

Ang napatay ginkilala kay Llewelyn Datolayta, 56 anyos, samtang ang pilason nga asawa ginkilala kay Dory, 57 anyos tanan nagapuyo sa Barangay Maquiling, samtang ang driver nga truck ginkilala naman kay Roger Vergara, 47 anyos, nagapuyo naman sa Barangay Bato sa amo man nga Syudad. 

Sa inisyal nga imbestigasyon sang otoridad sa pagpanguna ni P/LCol Albert Sy, hepe sang Sagay PNP,  naglupok ang goma sa sidecar sang tricycle rasun nga indi na ini makontrol sang driver kag nagpadulong sa nasugata nga truck.

Nasangit sang truck ang tricycle nga ginmaneho sang napatay upod ang asawa nga ginabulong subong sa hospital.  

Gina-usisa pa sa otoridad ang impormasyon nga nag-wild ang karabaw nga karga sang tricycle rasun nga wala na makontrol kag nagbungo sa nasugata nga truck.

PFIZER NGA BAKUNA SANG NEGROS OCCIDENTAL PAGAUSARON UMPISA HUNYO 28

1,000 ka mga persona kada adlaw ang target nga mabakunahan sang Pfizer-BioNTech COVID-19 Vaccine sa Negros Occidental.

Suno kay Provincial Administrator Atty. Rayfrando Diaz II, maga umpisa  ang pagbakuna   sa Hunyo 28  tubtub Hulyo 2, 2021  sa duha ka mga gindesignar  nga vaccination sites.

Ini amo ang Teresita L. Jalandoni Provincial Hospital sa syudad sang Silay    kag Negros Residences sa syudad sang Bacolod.

May 300 ka mga tawo ang target nga mabakunahan sa Silay kada adlaw, samtang 700 naman sa Bacolod.

Gin-athag ni Diaz nga may 2 lamang ka vaccination areas nga gintalana ang probinsiya, bangud diri nahamtang ang Ultra Low Freezer  para sa Pfizer vaccines.  | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.