Nagkaladakpan ang pito ka persona nga nagabulang sa duha ka separado nga operasyon sang otoridad kahapon nga adlaw, Mayo 10.
Ang pito naabtan nga nagabulang sa Sitio Bingig, Barangay 3, syudad sang Himamaylan.
Ang mga suspetsado amo sanday Mark Anthony Villarosa, 36 anyos, Fernando Tuayon, 62 anyos, Jerundio Fernandez, 56 anyos kag Ramil Paingganan, 38 anyos tanan sang amo nga siyudad.
Nakumpiskar sa ila puder ang anom ka inugbulang nga manok, isa ka bulang kag 390 pesos nga kwarta.
Dakop man si Carlito Hod, Jerry Piamonte, kag Felizardo Candelario, tanan legal ang edad kag nagapuyo sa Had Mambigo, Barangay E. Lopez, syudad sang Silay.
Nakumpiskar man sa ila puder ang isa ka buhi kag patay nga inugbulang nga manok kag 500 pesos nga kwarta.
Samtang nakapalagyo naman ang mga manugbulang sa Sinabugsang, Barangay Magticol, banwa sang Toboso.
Suno sa otoridad, natalupangdan nila ang pag-abot sang mga kapulisan, rasun nga nagdinalagan ang mga ini.
Nakumpiskar naman ang apat ka patay nga mga manok inugbulang, duha ka bulang kag anum ka motorsiklo nga ginapanag-iyahan sang mga suspetsado. | Aksyon Bryan Morden
