MENU

PITO KA TUIG NGA BATA , POSITIBO NGA GIN HIMUSLAN

  • at 11:24 pm
Share on facebook
Share on pinterest
Share on twitter
Share on print

Sipalay City- Positibo nga gin himuslan ang 7 ka tuig nga bata nga una nag alegar nga gin himuslan siya sang iya kaingod balay nga si John Tenorio sadtong Nobyembre 20 sa siudad sang Sipalay.

Suno kay Chief Inspector Anthony Grande, hepe sang Sipalay PNP, base sa resulta sang gin patigayon nga medical examination, nakitaan sang duha ka healed laceration kag isa ka fresh laceration ang biktima nga patimaan nga gin himuslan siya.

Dugang pa ni Grande, kahapon nga adlaw (Nov.21), pormal na nga gin file ang kaso nga statutory rape batuk kay Tenorio kon diin may penalidad nga reclusion perpetua ukon pag ka priso tubtob buhi.

What’s your Reaction?
+1
0
+1
0
+1
0
+1
0
+1
0
+1
0
+1
0

HINLO: MGA NAG RESIGN NGA MIEMBRO SANG PDP-LABAN MAY IHIBALO SA PLANO SA 2025

April 25, 2024

Ginlaragway ni Partido Demokratiko Pilipino – Lakas ng Bayan (PDP-Laban) deputy secretary general for Visayas, Atty. Jesus “Jayvee” Hinlo nga wala sa lugar ang ginhimo nga pagresign sang pulo (10) ka mga opisyal sang syudad sang Victorias, sa PDP-Laban Negros Occidental.

Ginklaro ni Hinlo nga may ihibalo ang mga aktibo nga miyembro sang ila partido sa plano nga pagpahamtang kay anay Victorias City Mayor Francis Frederick “Wantan” Palanca bilang kandidato sa pagka-gobernador sa Negros Occidental sa 2025 nga eleksyon sa idalom sang PDP-Laban.

Gin-ako ni Hinlo nga nakibot siya sa ginhimo nga pagresign ni Victorias City Vice Mayor Abelardo Bantug III kag siyam (9) ka mga konsehal sang syudad.

Nagapati si Hinlo nga suportahan sang taga syudad sang Victorias si Palanca, kun madayon ang pagkandidato sini bilang gobernador.

Si Hinlo ang gin-appoint bilang opisyal sang PDP-Laban sa Visayas nagligad nga Disyembre 2023, samtang si Palanca amo naman ang bise presidente sang partido sa Negros Occidental.

What’s your Reaction?
+1
0
+1
0
+1
0
+1
0
+1
0
+1
1
+1
0

TRICYCLE DRIVER, PATAY SANG GINTIRO SA BARANGAY CABUG

April 25, 2024

Dead on arrival sa Corazon Locsin Montelibano Memorial Regional Hospital ang isa ka tricycle driver matapos ginluthang sa sulod sang Deca Homes Subdivision, Barangay Cabug, syudad sang Bacolod, alas 4:11 sang hapon, Hwebes, Abril 25.

Ang biktima ginkilala kay Teresito Gepelga, 56 anyos residente sang Block 67, Deca Homes, Brgy. Cabug.

Sa inisyal nga pagpangusisa ni Police Captain Michael Tuburan, hepe sang police station 9, nagaparking si Gepelga sa kilid sang dalan sang ginpalapitan sang wala makilala nga suspek kag ginluthang gamit ang wala mahibaluan nga kalibre sang armas.

Dugang pa ni Tuburan, ginhingagaw pa kon tani dala ang biktima sa ospital ang gindeklarar nga dead on arrival matapos nakaangkon sang malubha nga pilas sa ulo.

Sa karon nagapangita pa ang kapulisan sang dugang nga CCTV samtang indi pa ma-establisar ang motibo sa pagpatay kag pagkilala sa suspek.

What’s your Reaction?
+1
0
+1
0
+1
0
+1
1
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.