Ginkumpirmar ni 302nd Infantry Brigade sang Philippine Army spokes person Maj. Khadaffy Tawantawan nga pito ka mga myembro sang Philippine Army sa Negros Oriental ang nagpositibo sa Covid-19.
Suno Kay Tawantawan, ginpabalo ang ila ahensya gikan sa Public Health Office sang Negros Oriental nga nagpositibo sa SWAB Test result ang 7 sini nga mga kaupdanan kag karon nagapabilin sa isolation facility sang 302nd IB sa Negros Oriental sang Biernes sang gab-i.
Dugang pa ni Tawantawan, ang 7 ka mga Army sakop sa 32nd Division Reconnaissance Company kag nangin frontliners halin sa syudad sang Cebu nagdul-ong sang pagkaon sa mga pumuloyo kag nagpakig-upod pa sa pagpatigayon sang Checkpoint sa amo nga lugar.
Sa karon padayon ang contact tracing sa possible nakaistorya sang mga pasyente.
Padayon man ang ila kumunikasyon sa PHO kag IATF sa Negros Oriental. | Aksyon Alvin Grava