PITO KA LGUs SA NEGROS OCCIDENTAL WALA PA MAKA KOMPLETO SA SAP PAYOUT

Share on facebook
Share on google
Share on pinterest
Share on twitter
Share on print

Pito ka mga local government units ukon (LGUs) sa Negros Occidental ang wala pa makakompleto sang Social Amelioration Program ukon (SAP) payout distribution.

Sa datus sang Department of Social Welfare and Development Region 6, ini nga mga lugar amo ang syudad sang Bago, Kabankalan, Sagay, Silay, Victorias, banwa sang Ilog kag Isabela.

Sa kabug-usan nga Western Visayas, 35 ka mga LGUs ang nagapadayon pa sang payout distribution.

Magluwas sa pito halin sa Negros Occidental, wala man makatapos ang 5 ka mga LGUs sa Aklan, Antique – , Capiz – 1, kag Iloilo – 21.

Indi makaumpisa proseso sang ikaduha nga tranche sang SAP ang DSWD, kun indi matapos sang tanan nga mga LGUs ukon local government units sa rehiyon ang payout distribution.

Suno kay DSWD Region 6 Director Ma. Evelyn Macapobre, malawig na ang mga tinion nga ginhatag sa mga LGUs agud matapos ang payout sang 6,000 nga emergency cash assistance.

Nagalaom ang regional director nga makompleto na sang kabug-usan nga 133 ka mga LGUs sa Western Visayas ang distribution bwas Mayo 24.

Dugang pa ni Macapobre, kinahanglan pa sang DSWD nga ivalidate ang listahan sang mga paid beneficiaries, antis iproseso ang ikaduha nga SAP distribution.

Sa record sang DSWD ‘as of May 21, 2020’ 98 sa 133 ka mga LGUs ang nakatapos na sang pagpanagtag, kag 67 sa mga ini ang nakasumiter sang liquidation report. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.