(adsbygoogle = window.adsbygoogle || []).push({});

PINAKAUNA NGA SWAB MOBILE SA PILIPINAS, GIN LANSAR SA BACOLOD

Share on facebook
Share on google
Share on pinterest
Share on twitter
Share on print
(Bacolod PIO Photo)

Gin turn over sang Bacolod Filipino-Chinese Chamber of Commerce and Industry ang donasyon sini nga swab mobile para sa lokal nga panguluhan sang Bacolod kaina sang aga, Mayo 7.

Ini nga proyekto ang natigayon paagi sa inisyatibo nga ginhimo sang anak ni Mayor Evelio Bing Leonardia nga si Kara Leonardia.

Ang First Biosafe swab mobile ang labing una nga proyekto sa bilog nga pungsod nga sarang magamit sang syudad angut sa naga padayon nga problema dulot sang COVID 19.

Ini nga proyekto ang natigayon paagi sa bulig kag expertise sang isa ka mechanical kag biomedical engineer nga Bacolodnon nga gin kilala kay Engr. Joseph Saril nga amo man nangin partner sang anak sang alkalde.

Personal nga gin duso sang bata nga Leonardia ang amo nga proyekto matapos nga ini ang nagbatyag sang pagka alarma sa epekto kag kahalitan nga gin dulot sang COVID 19 sa hanay sang mga Doktor kag Nurses sa bahin sang Metro Manila.

Gin klaro ni Kara, nga indi medical laboratory ang gin donar nga swab mobile kundi ini ang isa lamang ka salakyan nga gin desinyo para magamit sang mga personnel sang City Health Office kag CDRRMO para sa pagkuha sang swab sample sa mga persona nga gina suspetsuhan infected sang COVID-19.

Suno kay Leonardia, paagi sa swab mobile malikawan ang risgo sang mga medical workers nga naga trabaho sa hospital nga amo ang naga tatap sa mga pasyente nga may yara sang gina batyag nga sintoma.

Dugang pa sini, magluwas sang nahauna nga swab mobile nga gin donar sang Bacolod Filipino-Chinese Chamber of Commerce and Industry, natalana man nga maga donate sang isa pa ka unit sa palaabuton ang Biopower nga kumbuyahan. | Aksyon Art Tayhopon

MORE STORIES: