PINAKAUNA NGA RT-PCR BIOLAB SA NEGROS ISLAND, GIN TURN-OVER

Share on facebook
Share on pinterest
Share on twitter
Share on print
(City Administrator Em Ang Photo)

Gina kabig ni Bacolod City Administrator Em Ang nga isa ka maayo nga development para sa pag-away kontra COVID 19 ang gin himo nga pagpatukod sang The Doctors Hospital Incorporated sang labing una nga RT-PCR Laboratory ukon COVID 19 Laboratory sa syudad sang Bacolod.

Suno kay Ang, ini ang pinaka ka una nga COVID-19 modular biosafety laboratory nga napatukod sa gwa sang Metro Manila, kag gina kabig solusyon sa problema sang syudad kag Negros Occidental angut sa atrasado nga pagpa gwa sa resulta sang mga swab sample nga gina padala pa sa Iloilo.

Dugang pa ni Ang, napatukod sang amo nga hospital ang laboratoryo paagi sa bulig sang isa ka pribado nga kumbuhayan kag gina lauman nga maka umpisa na sang ila operasyon sa madali nga panahon.

Gina paabot sang City Administrator nga may yara pa sang dugang nga mga COVID 19 Laboratory Center nga maga operar sa syudad sang Bacolod masunod nga bulan sang Hunyo.

(City Administrator Em Ang Photo)

Suno kay Ang, magluwas sa Doctor’s Hospital gina paabot man sini nga mangin operational na masunod nga bulan ang testing center facility sang Corazon Locsin Montelibano Memorial Regional Hospital, lakip na ang kasubong nga mga pasilidad nga gina develop man sang Philippine Red Cross Negros-Bacolod Chapter, Adventist Medical Center kag Bacolod Queen of Mercy Hospital.

Dugang pa sini, sa tion nga matapos na ang pag develop sini nga mga testing center facilities, indi na mabudlayan pa ang syudad sa pag hulat sa resulta sang RT-PCR test ilabi na gina paabot nga pag pauli sang madamo nga mga OFW kag returning residents. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.