70 ka mga MassKara Dancers sa duha ka mga Bureau of Jail Management and Penology (BJMP) sa syudad sang Bacolod ang nag pakig bahin sa pinakauna nga MassKara Festival Special Indoor Participation.
35 ka mga inmates ang gikan sa BJMP-Singcang Airport kag 35 man ka inmates ang gikan sa BJMP-Male Annex Dormitory sa Barangay Handumanan.
Ang duha ka team ang nag paindis-indi sa pag saot sang MassKara sa quadrangle sang duha ka BJMP nga gin saksihan sang mga opisyales sang syudad kag ila mga himata.
Ang kada team ang naka baton sang subsidy gikan sa syudad sang Bacolod.
Gin pahayag nanday Jail Warden Chief Inspector Ruth Estales sang BJMP-Sincang Airport kag Jail Warden Senior Inspector Norberto Meciano sang BJMP-Handumanan, nga kapin isa man ka bulan ang ila preparasyon sa amo nga kompetisyon.
Wala pa sang petsa kon san-o i-anunsyo ang nag daug lakip na ang tatlo ka special awards nga Best in headress, Best in Costume kag Best in Concept.