Nag padala sang sulat ang nagkalain-lain nga transport group sa syudad sang Bacolod sa Sangguniang Panlungsod nga naga pangabay sa istrikto nga pagpatuman sang regulasyon sang LTFRB nga dapat 50% lamang ang makasakay sa mga Public Utility Jeepney (PUJ).
Suno kay City Councilor Dindo Ramos, chair sang Committee on Transportation and Traffic, ang mga transport group ang may obserbasyon nga may mga salakyan nga masobra sa 50% ang pasahero nga makasakay.
Nag panugyan si Ramos sa mga PUJ driver nga mag comply sa direktiba sang gobyerno nasyunal bilang precautionary measure kontra Covid-19.
Gin paathag ni Ramos, ang Bacolod City Police Office kag Bacolod Traffic Authority Office amo chief implementer sang sini nga guidelines.
Suno kay Ramos, kon 10 ang capacity sang salakyan dapat lima ang makasakay kag kon 9 ang capacity dapat apat lamang ang makasakay. | Aksyon Dale Salazar