PILA KA RESIDENTE SANG PUROK MAHIMULATON, BRGY. BANAGO INDI LUYAG MAG PAIDALUM SA SWAB TEST

Share on facebook
Share on google
Share on pinterest
Share on twitter
Share on print
(Barangay Banago FB Photo)

Gina hulat pa sa karon ni Punong Barangay Ricky Mijares Sr. sang Banago ang naga kaigo nga instruction gikan sa DOH angut sa masunod nga aksyon nga ila puede himuon ilabi na sa mga residente sang Purok Mahimulaton nga gin paidalum sa lockdown.

Ini ang ginhimo nga pagklaro ni Mijares kasunod sang natabo nga pagpamalibad sang mga residente sa amo lugar nga tuyo kon tani nga ipaidalum sa swab test sang Biernes nga adlaw.

Suno kay Mijares, apisar sang iya ginhimo nga apelasyon kag boluntaryo nga pagpagkuha sang swab test mismo sa amo nga lugar, tatlo lamang ka mga residente nga gina lakipan sang Purok President ang nag kooperar.

Dugang pa ni Mijares, sini lamang nga aga isa sang residente nga naga istar malapit sa puluy-an sang COVID patient nga napatay kag gin kuhaan sang swab sample ang gin saylo na sa quarantine facility sang syudad paagi sa bulig sang CHO.

Sa pihak nga bahin, sini man nga aga nagpadala sang konsumo kag ilimnon nga tubig ang Barangay sa mga residente nga apektado sang amo nga lockdown.

Sa nahibaluan, may 13 ka mga indibidwal ang nag positibo sa virus sa amo nga purok. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.