PILA KA MGA OPISYAL GINA KONSIDERAR ANG PAG DEKLARAR KAY BEN TULFO NGA PERSONA NON GRATA

Share on facebook
Share on pinterest
Share on twitter
Share on print
(Aksyon Radyo Bacolod File Photo)

Gina konsiderar sang pila ka mga opisyal sang syudad sang Bacolod ang pag deklarar sa Broadcast journalist nga si Ben Tulfo nga persona non grata.

Ini angut sa live interview ni Tulfo kay Mayor Evelio Leonardia sadtong Disyembre 6 angut sa reklamo sang isa ka event organizer nga gin alegar may sulokton pa sa Bacolod PNP kag kay Councilor Al Victor Espino sa gin patigayon nga Basketball Game for a Cause sadtong Oktubre 26.

Si Espino ang isa sa mga sponsor sang kahiwatan sa tuyo nga maka bulig nga makapangita sang pondo para sa Bacolod PNP.

Gin pahayag ni Vice Mayor El Cid Familiaran, natalana nga mag sapol ang pila ka mga opisyal sang syudad kag talakayon ang pagpasar sang resolusyon nga naga deklarar kay Ben Tulfo nga persona non grata.

Para kay Familiaran, unethical kag wala ginrespeto ni Tulfo ang alkalde kag ang syudad sa pihak nga nakahibalo ini nga wala sang labot si Leonardia sa amo nga event.

Gin klaro man ni Familiaran nga wala niya gin akigan si Espino base sa pahayag sang event organizer sa programa ni Tulfo.

Suno kay Leonardia, iya na gina tugyan sa SP ang pag desisyon sini kag iya paga respituhon ang mangin tikang sang konseho.

Gin klaro ni Espino, si Leonardia kag ang MassKara Festival ang wala labot sa aktibidad kag natabuan lamang nga natabo ini sa bulan sang Oktubre, magkatuhay sa gina pahayag sang organizer nga isa ini sa highlights sang Masskara Festival.

Suno kay Espino, iya lamang trabaho sa aktibidad ang pag suporta sa Bacolod PNP bilang chairman sang Committee on Police Matters kag siya man ang nag bayad sang venue usar ang iya personal nga kwarta.

Gin hangkat ni Espino ang event organizer nga kon may legal nga basehan ini nga mag panukot sa iya ukon sa Bacolod PNP, mas maayo nga mag file sang reklamo kag indi sa media ukon social media.

Nag pasiguro si Espino nga iya makuha ang hustisya para maklaro ang iya nga ngalan.

Nag pamalibad si Espino nga magsabat sa pila ka mga pamangkot sa isyu kag nag pasiguro nga sabton ini sa press conference nga iya patigayunon subong nga semana bangud iya pa gina preparar ang pila ka mga dokumento. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.