PILA KA MGA MARKET VENDOR NAGA PLANO NGA INDI MAG PAIDALUM SA SWAB TEST KAG MAGA PATUMAN SANG VOLUNTARY LOCKDOWN SA ILA PWESTO

Share on facebook
Share on pinterest
Share on twitter
Share on print

Gin bulgar ni Jonah Abao, Market Supervisor sang Libertad Market, nga may pila ka mga market vendors nga naga plano nga indi mag pakigbahin sa swab testing program sang syudad para sa mga naga baligya sa merkado.

Sa interview sang Aksyon Firing Line, gin pahayag ni Abao, base sa iya impormasyon, may pila ka mga transient vendors nga nag sapol sa annex building sang Libertad Market subong nga adlaw kag naga plano nga indi mag intra sa swab test kag mag voluntary lockdown sang ila mga pwesto sa sulod sang 10 tubtob 15 ka adlaw.

Suno kay Abao, wala pa nakabaton sang final notice ukon memo ang mga market vendors gikan sa syudad angut sa petsa sa pagpatigayon sang swab test.

Dugang pa ni Abao, wala nadayun ang pag sinapol nga gin patawag sang syudad subong nga hapon, Hwebes, kasunod nga may gin kadtuan si IATF-Visayas Chief Implementer retired MGeneral Mel Feliciano.

Gin palayag man ni Abao, may pila man ka market vendors nga may ikasarang ang nag pa schedule sang swab test sa mga pribado nga laboratoryo.

Suno kay Abao, gin pasalig sila sang mga opisyal nga mag gwa ang resulta pagkatapos sang 24 oras.

Padayun sa karon ang data gathering sa mga market vendors nga nag kumpirmar nga mag paidalum sa swab test.

Suno kay Bacolod City Legal Officer Atty. Joselito Bayatan nga may yara sang atubangon nga konsekwensya ang mga vendors sa tatlo ka dalagko nga mga merkado sang syudad nga indi mag kooperar sa patigayunon nga mandatory swab testing.

Suno kay Bayatan, ang sin-o man nga vendor nga indi makapakigbahin sa amo nga programa ang temporaryo nga pauntaton ang ila operasyon sa merkado.

Gin klaro man sini nga gina himo lamang sang karon nga administrasyon ang naga kaigo nga tikang agud sa handum nga matapos na ang problema nga gina atubang sang syudad batuk sa kahalitan nga gin dulot sang COVID 19 nga pandemiya. | Aksyon Dale Salazar, Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

SPOKESMAN: MAYOR ALBEE MAY LIMA KA OPTIONS SA 2025

Ginpahayag ni Brgy. Singcang Airport Kapitan kag Spokersperson ni Bacolod Mayor Albee Benitez Atty. Ceasar Distrito nga indi pa pulitika ang focus sa karun sang alkalde.

Sa interview sa Aksyon Hotline, ginpahayag ni Distrito, ang focus sa karun ni Mayor Benitez amu ang pagpadasig sa pag-implementar sang mga proyekto sa Bacolod.

Suno kay Dristrito, apisar nga indi pa focus sang alkalde ang 2025 elections, ginpahayag ni Distrito nga may lima ka options ang alkalde sa nasambit nga eleksyon.

Una amu ang pagpapili sa mas mataas nga posisyon ukon sa pagka-senador, ika-duha magpa re-elect bilang alkalde, ika tatlo magbaylohanay sila ni Congressman Gasataya sang position, kag ika-apat amu ang indi na pagpapili sa pulitika kag ika lima batunon ang tanyag nga mangin isa sa gabinete ni Presidente Ferdinand Marcos Jr.

Suno pa kay Distrito, ginpahayag sang alkalde nga kun ano ang makapaayo para sa Bacolod kag para sa pumuluyo amu ang iya mangin desisyon sa 2025 elections.

Nagnubo ang residential rate sang kuryente sang Central Negros Electric Cooperative, Inc. (CENECO) para sa sini nga bulan sang Marso.

What’s your Reaction?
+1
0
+1
0
+1
0
+1
0
+1
0
+1
0
+1
0

16 KA NEGOSYO SA GOLDENFIELD, WALA PA SANG BUSINESS PERMIT

Gin inspeksyon sang Bacolod LGU ang 21 ka mga negosyo nga naga operate sa Goldenfield Commercial Complex.

Ang inspeksyon ang ginpangunahan sang City Legal Office kaupod ang Permits and Licensing Office, DSSD, City Health Office kag iban pa.
Lakip sa ginpadulungan sang syudad amo ang ilimnan, restobar, massage spa, convenience store kag iban pa.

Ginpahayag ni City Legal Officer Atty. Romeo Carlos Ting Jr. sa 21 ka negosyo, lima lamang ang may business permit 2024 samtang iban ang on process pa.

Bangud sini, nag isyu ang syudad sang first notice of violation sa mga negosyo nga on process pa ang ila business permit.

May tatlo ka adlaw ang negosyante nga mag proseso sang business permit.
Ginpahayag ni Ting, kabahin ini sa gihapon sang kampanya sang syudad batuk sa mga negosyo nga naga operate pero wala sang business permit.

Ginkumpirmar ni Ting, nga nag isyu man sang bayolasyon ang CHO bangud may mga negosyo sa goldenfield nga indi makapasar para sa sanitary permit.

Samtang, ginkumpirmar ni Ting nga may pila ka negosyo nga ginpsirad-an sang syudad sa Bargain Square Mall kag Plaza Mart ang nagbukas na matapos nakakuha sang business permit.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.