PILA KA MGA DOKTOR LIWAT NAG PANGABAY SANG ISA UKON DUHA KA SEMANA NGA ‘TIMEOUT’ UKON ECQ SA BACOLOD

Share on facebook
Share on google
Share on pinterest
Share on twitter
Share on print
Bacolod PIO Photo

Liwat nga nag pangabay ang pila ka mga medical associations kag society sang isa ka ukon duha ka semana nga timeout ukon enhanced community quarantine sa syudad sang Bacolod.

Ini suno kay Councilor Renecito Novero, isa sa mga opisyal nga nag tambong sa consultative meeting nga gin patawag ni Mayor Bing Leonardia nga nag lawig sang pito ka oras kahapon nga adlaw, Lunes.

Lakip sa mga nag tambong sa online meeting amo ang pila ka mga opisyal, business sector, religious sector, mga hospital chiefs sang nagkalain-lain nga hospital sa Bacolod, tiglawas sa Regional IATF kag National IATF kag iban pa.

Nag tambong man sa virtual meeting sanday Department of National Defense Undersecretary Cesar Yano, DILG Undersecretary Bernie Florece. DOH Director Gloria Balboa, DOH Assistant Secretary Dr. Kenneth Ronquillo kag iban pa.

Suno kay Novero, sa amo nga meeting, gin presentar sang Bacolod CHO ang Covid-19 situaton, ang gina himo nga mga measures sang syudad kaangay sang pagpatuman sang lockdown, Covid-19 testing kag iban pa.

Suno sa Konsehal, nag pangabay sang pila ka mga doktor nga ibalik ang syudad sa ECQ para sa isa ukon duha ka semana nga timeout bangud gina kapoy na sila.

Pero suno kay Novero, nag pabutyag si Dr. Julius Drilon, Medical Center Chief II sang Corazon Locsin Montelibano Memorial Regional Hospital, kag ang Business Sector sa pag pamatok nga ibalik ang syudad sa ECQ.

Suno kay Novero, may mga suhestyon man nga i-istriko nga ipatuman ang mga kasuguan ukon mga measures kontra Covid-19.

Dugang pa ni Novero, gin pahayag ni Leonardia nga istrikto na ang enforcement sang otoridad kag ini ang naga pakita sa report ni BCPO Director Henry Binas nga kapin 17,000 na ka mga tawo ang gin dakop bangud sa wala pag sunod sa health protocol.

Gin klaro ni Novero nga wala na desisyonan sa meeting kon bala mabalik ang syudad sa ECQ ukon Modified GCQ.

May mga suhestyon man suno sa Konsehal nga ibalik ang syudad sa GCQ ukon ipabilin sa Modified GCQ pero may dugang nga mga ordinansa ukon measures kontra Covid-19.

Gin-emphasize ni Novero, nga gin palambot sa meeting sang tiglawas sa National IATF nga ang isa ka LGU ang indi pwede rekta nga maka deklarar sang community quarantine status.

Gin paathag ni Novero, ang Regional IATF amo ang maga sumiter sang endorsement sa National IATF angut sa gina proposed nga quarantine classification.

Nag padala sang mensahe ang Aksyon Radyo Bacolod kay Leonardia pero wala pa ini makasabat. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.