PILA KA LIDER SANG MILITANTE NGA GRUPO, NAKABATUN PAMAHOG SA KABUHI; PLANO IDANGOP SA NBI

Share on facebook
Share on google
Share on pinterest
Share on twitter
Share on print
Plano nga ipa dangat sanday Noli Rosales sang Kilusang Mayo Uno kag iban pa nga mga kaupdanan sini sa kapulisan ukon sa National Bureau of Investigation ang pagpamahog sa ila kabuhi nga nabaton paagi sa isa ka text message. 
Suno kay Rosales, wala siya nakabaton sang direkta nga mensahe apang nalakip ang iya ngalan sa gin pa andaman sang wala pa makilala nga persona ukon mga persona nga nag text kay Clarissa Singson sang KARAPATAN. 
Dugang pa ni Rosales, indi ini lahug lahug nga mensahe bangud damlag lang napatay si Atty. Benjamin Ramos nga gin alegar nakabaton man sang mga pagpamahog sa iya kabuhi apang suno kay Rosales, indi ini maka pa untat sang ila mga gina pakig bato kag ila gina patihan. 
Suno kay Rosales, isa lang ini ka pag panghangkat sa ila nga padayon sa gihapon ang pag himakas kag pag patigayon sang mga protesta agud ipabalo sa publiko ang matuod nga estado sang pungsod sa idalom sa Duterte administration.*Aksyon Hotline

MORE STORIES:

ANU ANG IMO MA KOMENTO?

error: Ooops... You are not authorized to copy this content.