PILA KA LEFT-OUT BENEFICIARIES SA BACOLOD NA DELAY ANG PAG BATON SANG AYUDA BANGUD SA SALA NGA SPELLING SANG ILA NGALAN SA PAYROLL

Share on facebook
Share on google
Share on pinterest
Share on twitter
Share on print

Nagresulta sang delay sa digital distribution sang SAP ang sala nga entry ukon spelling sa ngalan kag birthdate sang mga benepisaryo sa syudad sang Bacolod.

Suno kay DSSD head Pacita Tero, nadugangan ang trabaho sang iya talatapan bangud sang amo nga problema ilabi na nga kinahanglanon sini nga magpa gwa sang naga kaigo nga certification bilang pamatuod sang natungdan nga mga benepisaryo agud nga ma release ang ila kuluhaon nga kwarta.

Dugang pa ni Tero, halos naglab-ot na sa masobra 1,500 ka mga certification ang iya napirmahan umpisa nga gin sugdan ang distribusyon kahapon nga adlaw sa 18 tanan ka mga nauna nga Barangay.

Gin klaro man ni Tero nga wala pa siya sang nakuha nga datus gikan sa DSWD kon pila na ka porsiyento ang pay out nga ila natigayon.

Magluwas sa kumplikado nga entry sang mga benepisaryo, nangin problema man sang iya talatapan ang kakulang sa personnel bangud sang naga padayon nga home quarantine protocol sa iya pila ka mga empleyado nga gin paidalum sa swab test apisar nga nangin negatibo na ang resulta sang ila RT-PCR test.

Sa nahibaluan nga ang syudad sang Bacolod ang may yara sang 15,049 ka mga benepisaryo nga natalana maga baton sang amo nga bulig pinansyal. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.