Wala untat ang paglibot sang Department of Trade and Industry ukon DTI sa probinsiya sang Negros Occidental kag siudad sang Bacolod agud ma-monitor ang dalagan sang presyo sang mga balaklon sa mga merkado kag establisyimento kag kon bala ginapatuman ang Suggested Retail Price ukon SRP.
Sa interview sa Aksyon Firingline kay DTI-Negros Senior Trade and Industry Specialist Reginald Hudierez gin pahayag sini nga may apat tubtub lima sila ka mga establisyemento nga gin padal an sang sulat agud magpaathag angut sa pila ka items nga wala nag sunod sa SRP.
Apang gin klaro ni Hudierez nga kalabanan sa ila ginpadal an sang sulat ang una pa lamang nakahimo sang bayulasyon sa diin, nagsobra ang presyo sa items nga ila ginabaligya sa presyo nga gin-limit lamang sang ahensiya.
Subongman, nagpanugyan si Hudierez sa publiko, bangud sa tama ka mahal nga presyo sang balaklon dapat mag-control kag unahon lamang ang pinaka importante ukon prayoridad nga items.