PILA KA DOKTOR SA BACOLOD CHO TEMPORARYO NGA GIN PULL OUT PARA MAG DUTY SA BRO CENTER

Share on facebook
Share on google
Share on pinterest
Share on twitter
Share on print
(City Administrator Em Ang Photo)

Temporaryo nga gin pull out sang lokal nga panguluhan sang Bacolod ang pila ka mga Doctor nga naga duty sa mga Barangay Health Center sa idalum sang City Health Office agud mag patigayon sang serbisyo sa mga pasyente nga gin dala sa Bacolod Respiratory Outpatient Center sa bahin sang Bacolod Bay Center umpisa Myerkules sang gab-i.

Suno kay City Administrator Em Ang, ini nga mga persona amo ang mga pasyente nga naga pila ukon naga linya sa gwa sang Corazon Locsin Montelibano Memorial Regional Hospital para lamang nga maka pa konsulta sa doktor.

Base sa record sang syudad mayoriya sang mga pasyente ang residente ukon naghalin sa mga lugar nga nasakupan sang Negros Occidental.

Dugang pa ni Ang, ini nga inisyatibo sang syudad ang naga tuyo nga ma buligan ang mga pasyente angut sa kabudlayan nga ila gina eksperiensya ilabi na sa ila kondisyon nga tuman ka peligroso angut sa naga padayon nga pamahog sang COVID 19.

Gin klaro ni Ang nga plano gid man sang karon nga administrayon nga padayunon ang operasyon sang Bacolod Respiratory Operation Center para sa pag akomodar sang mga outpatient nga mga residente sang syudad nga naga kinahanglan sang naga kaigo nga serbisyo.

Suno kay Ang, gina tinguhaan man sang syudad nga maka hire sang dugang nga mga Doctor para sa amo nga programa apang ini nga proseso ang sa karon naga padayon pa. | Aksyon Art Tayhopon

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

LALAKI GINBUNO SANG BABAYI SA MOISES PADILLA, PATAY!

Patay ang 48 anyos nga lalaki matapos ginbuno sang isa ka babayi las 8:30 sang gab I, martes sa Sitio Loblob, Barangay Magallon Cadre, banwa sang Moises Padilla.

Ginkilala ang napatay sa kay Rene Lusaran kag ginkilala naman ang suspetsado sa kay Marlyn Bargayo, 49 anyos.

Sa pagpangusisa ni Moises Padilla PNP Commander Police Captain Randy Babor, gin alegar nga nakaino ang biktima kag ginhaboy sang bato ang balay sang suspetsado.

Tungod sini, naggwa si Bargayo nga may dala sang kutsilyo apang hinali na lamang siya ginhakos ni Lusaran rason nagpanginpadlos kag nabuno ang biktima.

Boluntaryo naman nga nagsungka sa kapulisan si Bargayo matapos mahimo ang krimen kag sa karon priso sa Custodial facility sang Moises Padila PNP.

MORE STORIES:

LIKE US ON FB

error: Ooops... You are not authorized to copy this content.