Mahimo makatambong sa misa paagi sa pagtan-aw online ang pomuluyo nga nasakupan sang Diocese sang Bacolod bangud temporaryo nga gin-suspend ni Bishop Patricio Buzon ang physical mass umpisa Agosto 24 tubtob 31.
Suno kay Father Henry Donasco, director sang Commission on liturgy sang Diocese of Bacolod malantaw ang online mass sa ADSUM facebook page las 7 sang aga kag las 12:15 sang udto kada adlaw samtang magasapol pa sila kon ano nga oras patigayunon ang online mass sa adlaw sang dominggo.
Palayag ni Donasco ang regular masses lang ang gin suspend kag padayunon ang scheduled masses kaangay sang misa para sa patay kag kasal.
Suno kay Donasco, ang pag isyu ni Bishop sang Circular letter ang sabat sa pangabay sang mga doktor nga ipahagan-hagan ang pagtipon tipon agud malikawan nga maglapta ang virus.
Nagapanawagan naman si Donasco sa pumuluyo nga suportahan kag pangamuyuan ang mga frontliners kag indi pag idiscriminate.