Magapahamtang man sang kaugalingon nga Covid-19 testing laboratory ang humanitarian organization nga Phillippine Red Cross Negros Occidental.
Sa COVID-19 Update sang Negros Occidental Inter-Agency Task Force, ginpahayag ni Red Cross Governor Jay Jalandoni, ini nga laboratoryo ang ipahamtang sa una nga panalgan sang Cross Caregiver’s Center sa 10th St., Capitol Shopping Center, syudad sang Bacolod.
Dugang pa ni Jalandoni, tinguhaan sang red cross nga makompleto ang plano sa sulod sang isa ka bulan. Ini ang sarang nga makapatigayon sang tubtub 3,000 ka mga test sa sulod sang isa ka adlaw.
Gin-abi abi naman ni Provincial Consultant Albee Benitez ang amo nga plano.
Suno kay Benitez, makabulig ini agud mapadasig ang pagpagwa sa resulta sang mga test sa covid-19.
Magluwas sini, may covid-19 testing lab man nga ipahamtang sa Teresita Jalandoni Provincial Hospital sa syudad sang Silay, kag Doña Corazon Locsin Montelibano Memorial Regional Hospital sa syudad sang Bacolod.
