PETISYON GIN FILE BATUK SA PRINCIPAL SANG PANDANON ELEMENTARY SCHOOL; DIVISION OFFICE SANG DEPED NEGROS OCCIDENTAL NAGA PATIGAYON NA SANG IMBESTIGASYON

Share on facebook
Share on google
Share on pinterest
Share on twitter
Share on print

Kapin 126 ka mga alumni kag ginikanan nga may yara sang kabataan nga naga eskwela sa Pandanon Elementary School sa banwa sang Don Salvador Benedicto ang nag pirma sang petisyon batuk sa Principal nga si Lea Quimba.

Sa interview sang Aksyon Radyo, gin pahayag ni Lourdes Nonala, tag reklamo kag may mga apo nga naga eskwela sa amo nga buluthuan, ila gina reklamo nga overstaying na si Quimba sa buluthuan nga nag lawig na sang 15 ka tuig sa iya posisyon.

Suno kay Nonala, ila man gina reklamo nga gin alegar indi ma abi-abihon ang principal sa mga ginikanan, indi transparent, kag apat na ka tuig nga wala naga patigayon sang general assembly meeting.

Gin ehemplo ni Nonala ang insidente nga gin alegar pagpamangkot sang isa ka ginikanan angut sa Maintenance and Other Operating Expenses ukon MOOE pero gin alegar gin sabat sila sang principal nga indi man sila maka intiende bangud ini ang nasulat sa english nga lengawahe.

Ang MOOE funds ang para sa balayran sang tubig, kuryente, repair, bayad sa gwardya kag iban pa.

Gina reklamo man sang mga nag pirma sa petisyon ang mga alamutan kag gin alegar korapsyon.

Nag pangabay si Nonala kay Quimba nga mag sabat ini ukon mag saylo sa iban nga eskwelahan.

Suno sa tagreklamo, wala sang tawo nga nag duso sa ila para mag himo sang petisyon batuk sa principal.

Ang petisyon ang gin padala na sa division office sang Department of Education.

Sa interview sang Aksyon Radyo Bacolod, gin pahayag ni Ian Arnaiz, spokesman sang DepEd Negros Occidental, naga patigayon na sang imbestigasyon ang division office sang DepEd Negros Occidental angut sa mga alegasyon batuk kay Lea Quimba.

Suno kay Arnaiz, tuyo sang inquiry nga mahibaluan kon matuod ang mga alegasyon nga nasaad sa petisyon.

Gin paathag ni Arnaiz, ang isa ka school head nag naga lawig lang kuntane sang lima ka tuig sa isa ka eskwelahan pero may yara sang konsiderasyon nga ang iban ang naga lawig bangud sa medical ukon health condition sang principal kag iban pa nga factors depende sa desisyon sang superintendent.

Nag pasiguro si Arnaiz, nga gina aktuhan na sang division office ang ini nga reklamo.

Nag panugyan si Arnaiz sa publiko nga likawan ang pagpakamalaot sa gina reklamo bangud makabig pa ini nga inosente mag luwas na lamang kon mapamatud-an nga guilty.

DUHA PILASON SA INSIDENTE SANG PAGPANGLABU SA CALATRAVA

Ginabulong karon sa San Carlos City Hospital ang 56 anyos nga amay matapos ginlabu sang mag-utod las 10:15 kagab-i sa Sitio Atabay, Barangay San Isidro, banwa sang Calatrava.

Ang biktima ginkilala kay Francisco Boliboli samtang ang mga suspek amo sanday Felipe Retable ,60 anyos, kag manghod sini nga si Bobby, 47 anyos, lunsay  residente sang amo nga lugar.

Sa inisyal nga pagpangusisa ni PMaj. Roberto Indiape, bangod gid lamang sa sa personal nga away kag kutsukutso, ginsulong sang mag-utod ang biktima ginbuno  kag ginlabu. 

Si Boliboli ang nakaangkon sang pilas sa likod sang lawas kag butkon.

Sa amo nga insidente, nakita ni Atellano Jorolan (umagad sang biktima) nga ginalabu sang mag utod ang  iya ugangan,  nagkuha man ini sang binangon kag ginlabu si Ratable.

Una nga gindala si Boliboli sa Calatrava District Hospital kag gilayon ginforward sa San Carlos City Hospital samtang si Ratable ang ginabulong sa Corazon Locsin Montelibano Memorial Regional Hospital.

Sa follow-up opreration sang kapulisan, nadakpan si Bobby samtang si Felipe ang buluntaryo nga nagsurender sa mga otoridad. | Aksyon Alvin Grava

LALAKI, NAKUHAAN SANG MASOBRA 200K NGA BALOR SANG GINAPATIHAN SHABU

Masobra 200 mil ka pesos nga balor sang ilegal nga droga ang narekober sang mga kapulisan gikan sa isa kag gin-alegar drug pusher kag 3 pa ka iban sa buybust operation kahapon sa  Purok Bino, Brgy. Oringao, syudad sang Kabankalan. 

Ang subject sa operation ginkilala kay Jeffrey Cortez, 46 anyos, residente sang amo nga lugar.

Sa inisyal nga pahayag ni PLt. Jomel Salarda, DCOP sang Kabankalan City Police station, si Cortez ang nalista bilang Top 5 station level drug personality kag naaktuhan nga nagbaligya sang ilegal nga droga.

Narekober sa iya ang 5 ka dalagku nga platic sa sachet sang ginasuspetsuhan shabu ginabulubanta 35 gramos ang kabug-aton nga may dangerous drugs board value 238 mil ka pesos kag nakuha man sa iya ang 1 ka cal. 38 revolver.

Nadakapan man ang mga upod ni Cortez nga sanday Rene Gumarang, 36 anyos, Arnel Sarona 28 anyos lunsay nagapuyo sa  Purok, Paghidaet, Brgy. Tagukon kag

Joseph Eranes 53 anyos, residente sang Brgy. Poblacion, banwa sang Mabinay, Negros Oriental.

Narekober sa posisyon ni Gumarang ang 10 ka sang suspected shabu,  duha pa ka  plastic sachet sang suspected shabu kay Sarona, samtang narekober man kay Eranes ang duha ka transparent plastic sachets sang ginasuspetsuhan shabu.  | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.