MENU

PERSONA NGA NAGA PALAGYO SA LOCKDOWN AREA SA BACOLOD MAGA PANGATUBANG SANG PENALIDAD

  • at 7:06 pm
Share on facebook
Share on pinterest
Share on twitter
Share on print

Maga pangatubang sang 2,000 pesos nga penalidad kag pagkapreso nga indi mag sobra sa anum ka bulan ang isa ka tawo nga mag palagyo kon mahibaluan nga ipaidalum sila sa lockdown.

Ini matapos gin aprubahan sang Sangguniang Panlungsod sa third kag final reading ang ordinansa nga gin author ni Councilor Renecito Novero.

Suno sa Konsehal, sa idalum sang amo nga ordinansa, gina dilian ang isa ka persona nga maghalin sa lugar sa tion nga ideklarar ang lockdown.

Dugang pa ni Novero, sa tion nga indi makabayad ang violator sang penalidad, pwede sila maka community service sang tatlo ka bulan ukon apat ka oras sa kada adlaw.

Ang Barangay amo ang maga monitor sang mga escapee kag ang City Legal Office ukon Bacolod City Police Office ang maga pasaka sang kaso.

Ang kopya sang ordinansa ang ipadala kay Mayor Bing Leonardia para sa iya pirma kag ini ang i-publish sa local daily sang isa ka adlaw antes nga ipatuman.

Gina kabig ni Novero, nga dako ang mabulig sang sini nga ordinansa sa pakig-away sang syudad kontra Covid-19 kag ang mga maga eskapo ang may yara sang criminal liability. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

PSA GINA USISA ANG PAG ISYU SANG REGISTRAR SANG BIRTH CERTIFICATE SA CHINESE NATIONAL

April 26, 2024

Gina usisa sang law department sang Philippine Statistics Authority ang gin alegar pag isyu sang civil registrar sang syudad sang Bacolod sang birth certificate sa isa ka Chinese national.

Hwebes nga adlaw, Abril 25, 2024 sang nagpadulong ang tiglawas sang PSA sa Bacolod para magpangusisa.

Ginpahayag ni City Legal Officer Atty. Romeo Carlos Ting Jr., Barangay Sum-ag ang address sang foreign national kag naisyuhan sang birth certificate sang 2019.

Ginkumpirmar ni Ting, nga may isa man ka dumuluong ang na isyuhan man sang kaangay nga dokumento sa banwa sang Hinigaran.

Ginpahayag ni Ting nga maga kooperar sila sa imbestigasyon kag hulaton ang findings kag rekomendasyon sang PSA.

Ginpahayag naman ni City Registrar Atty. Hermilo Pa-oyon nga indi maka isyu ang registrar sang birth certificate sa mga foreign national magluwas na lamang kon dire sa pungsod sila nabun-ag.

Suno kay Pao-oyon, maga kooperar ini sa pagpangusisa kag magahulat man sang resulta halin sa PSA.

Ginpahayag ni Paoyon, sa tion nga matukiban nga illegal ang pagkuha sang birth certificate, ini ang ipa cancel sang PSA.

Ginpaathag ni Paoyon, iya gina panan-aw nga posible nalutsan lamang sila ilabi na nga ila gina isyu ang mga dokumento sa tion nga may mga supporting documents nga gina presentar ang aplikante.

What’s your Reaction?
+1
0
+1
0
+1
0
+1
0
+1
0
+1
0
+1
0

APO NGA NAGPATAY SA IYA LOLO, NAPASAKAAN NA SANG KASO

April 26, 2024

Napasakaan na sang kaso nga murder ang gina-alegar may deperensya sa paminsaron nga apo nga naglabo-patay sa iya kaugalingon nga lolo sa Purok 1, Sitio Malusay, Barangay Caradio-an, Himamaylan City, Negros Occidental sang Abril 22.

Ginkilala ang biktima nga si Eugene Eleuterio samtang ang suspek ginkilala kay Denise Eleuterio, pareho nga residente sang nasambit nga lugar.

Base sa imbestigasyon sang Himamaylan PNP, ginpahayag ni Denise nga may nagasugo sa iya nga patyon si Eugenio.

Dugang pa nakit-an sang utod sang suspek nga ginalagas pa ni Denise si Eugenio kag makaligad ang pila ka minuto nakit-an nalang ang suspek nga dugo-on kag nagpahayag nga patay na ang biktima.

Suno sa utod, nakita niya nga ginalagas sang suspek ang biktima kag makaligad ang pila ka minutos, nagpalapit ini nga may uyat nga binangon kag duguon na kag naghambal nga patay na ang biktima.

Si Denise ang priso sa karon sa custodial facility sang Himamaylan City PNP.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.