PDL NAG HIKOG SA SULOD SANG CUSTODIAL FACILITY SANG PULUPANDAN PNP

Share on facebook
Share on pinterest
Share on twitter
Share on print

Naghikog kag napatay sa custodial facility sang Pulupandan PNP ang isa ka Person Deprived of Liberty ukon PDL sadtong Martes sang hapon (Septembre 15, 2020).

Ang napatay ginkilala kay Ralph Hison, 19 anyos, may live in kag pumoloyo sang Banwa sang San Enrique, Probinsya sang Ilo-ilo.

Suno kay PMaj. Anthony Grande, hepe sang Pulupandan PNP, naga-isahanon nga priso si Hison kag una pa ini nga na istorya sang desk officer. Makaligad ang 20 minutos nga wala siya makit-an, liwat gintawag ang iya ngalan, apang wala na ini gasabat.

Ginpakamaayo sang pulis nga sudlon ang selda kag iya naabtan nga nagakabit na sa kisame sang confort room ang priso kag wala na sang kabuhi. Sa pagpangusisa sang otoridad, gingamit ni Hison ang iya kaugalingon nga panapton sa paghigot sa iya liog kag nagsaka sa basin kag naglumpat.

Gindala pa hingagaw sa Bago District Hospital ang biktima, apang gindeklara nga patay. Si Hison ang gindakop sadtong Septembre 3, 2020 sa San Enrique, Probinsya sang Ilo-ilo sa kaso homicide nga nakumiter sini sa banwa sang Pulupandan mga lima na ka tuig ang nakaligad. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

RESIDENTIAL RATE SANG CENECO NAGNUBO SANG 1.55KWH SA MARSO 2024

Nagnubo ang residential rate sang kuryente sang Central Negros Electric Cooperative, Inc. (CENECO) para sa sini nga bulan sang Marso.

Sa interview sa Aksyon Hotline, ginpahayag ni CENECO General Manager Atty. Arnel Lapore nga ang pagnubo ang nagdangat sa P1.55 per kilowatt hour.

Suno kay Lapore, epektibo ang pagnubo sang Marso 16, 2024.

Ginklaro na man ni Lapore nga indi masiguro ang stability sang pagnubo bangud wala pa mahibaloan kun ano ang rate para sa masunod nga bulan.

Suno pa kay Lapore, ang pagnubo sang presyo sang kuryente sa residential ang bangud sa supply sang kuryente nga nagsulod halin sa Mindanao.

What’s your Reaction?
+1
0
+1
0
+1
0
+1
0
+1
0
+1
0
+1
0

PRINCIPAL GINHATAGAN PUDER NGA MAG SUSPEND SANG F2F CLASSES SA TION NGA MATAAS ANG HEAT INDEX

May yara na sang otoridad ang mga school head ukon principal sa pag suspend sang face-to-face classes sa tion sang 33 degrees Celsius nga heat index.

Ginpahayag ni Lila Vaflor Arro, spokesperson sang Division of Bacolod City, may na isyu na nga memorandum ang division para sa localized suspension sang face-to-face classes sa tion sang mainit nga panahon.

Suno kay Arro, sa tion nga ma suspend ang face-to-face classes, pwede makapatuman ang buluthuan sang online class, modular instruction ukon kombinasyon sang duha.

Dugang pa ni Arro, may mga buluthuan nga naga klase sa aga pero modular na pagkahapon bangud sa tuman ka init nga panahon.

Ginpahayag ni Arro, gin limitahan man karon ang outdoor activities sa mga buluthuan magluwas kon aga ini nga ginapatigayon ukon indi pa tuman ka init ang panahon.

May na record ang Division of Bacolod City sang isa ka kaso sang estudyante nga na sunggo sa Bata Elementary School.

What’s your Reaction?
+1
2
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.