PDEA: POLICE STATIONS NAGA REQUIRE SANG NEGATIVE RT-PCR TEST RESULT SA MADAKPAN SA OPERASYON

Share on facebook
Share on google
Share on pinterest
Share on twitter
Share on print

Apektado sa karon ang mga natalana nga operasyon sang Philippine Drug Enforcement Agency bangud wala sang pahamtangan sang ila madakpan.

Suno kay PDEA-Negros head Nicholas Gomez, gina-require sang police stations nga dapat may swab test result ang ila mga madakpan nga nagapakita nga negatibo ang mga ini sa covid-19 agud malikawan nga matabo sa liwat nga may nadakpan sila sadto nga positibo sa covid-19 kag na impon sa iban nga mga inmates.

Dugang pa ni Gomez, ang ila madakpan sa karon ang ginapadala pa sa ila regional offices ugaling 5 ka probinsiya man ang magapadala sang ila madakpan sa nasambit nga detention facility bangud sa nagapadayon nga pandemya.

Palayag ni Gomez, ginatinguhaan sa karon sang otoridad nga makakita sang temporaryo nga pasilidad nga pahamtangan sang mga mag kaladakpan kag mapasiguro nga hilway sila sa virus.

Samtang ginpahayag naman ni Gomez nga nagnegatibo kag natalana na magbalik sa trabaho ang 5 ka PDEA agents nga nagpositibo sadto sa covid-19. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.