PDEA NAKUMPISKAR ANG 136K NGA BALOR SANG DROGA SA ISA KA HVT

Share on facebook
Share on google
Share on pinterest
Share on twitter
Share on print

Nakumpiskar ang kapin 136,000 pesos nga balor sang ginasuspetsuhan sa buy bust operation nga ginpatigayon sang Philippine Drug Enforcement Agency (PDEA)-Negros Occidental sa Barangay 12, syudad sang Bacolod kaina sang hapon, Huwebes.

Ang subject sang buy bust operation ang nadakpan kag ginkilala kay Abraham Te, 50 anyos, solteto kag residente sang amo man nga lugar.

Narekober sa suspek ang tatlo ka dalagko kag duha ka magagmay nga plastic sachet sang ginasuspetsuhan shabu nga may kabug-aton nga 20 gramos, kwarta kag mga drug paraphernalia.

Ang suspek ang ginakabig high value target sang PDEA-Negros Suno kay PDEA-Negros Head Nicholas Gomez, namonitor ang suspek nga padayon nga nagabaligya sang ilegal nga droga apisar nga napaidalom sa community quarantine ang syudad sang Bacolod.

Ang suspek ang magapangatubang sang kaso nga paglapas sa layi nga nagadumili sa pagbaligya kag paghupot sang ilegal nga droga kag drug paraphernalia.

Sa pihak nga bahin, gin pahayag ni PDEA-Negros Occidental Head Nicholas Gomez, pagpatigayon sang buy bust operations kag drug raid ang ginatutukan sa karun sang mga kapulisan bangud nga madamo sa mga drug personality ang namonitor na sang ahensiya samtang yara sa community quarantine ang syudad sang Bacolod kag probinsya sang Negros Occidental.

Suno kay Gomez, madamo sa gihapon ang mga drug group nga gin-aligar nagahulag kag naganegosyo sang ilegal nga droga.

Ginkumpirmar man ni Gomez nga naghuyang ang baligyaanay kag nagdiotay ang supply sang ilegal nga droga bangud sa kabudlayan sang mga ilegalista nga magpasulod sang supply sa mga entry points sa isla sang Negros bangud sang hugot nga pagbantay sang otoridad.

Nagapanawagan si Gomez sa bulig sang publiko sa ila kampaniya batuk ilegal nga droga. | Aksyon John Diaz

MORE STORIES:

ANU ANG IMO MA KOMENTO?