PDEA GIN SULOD ANG DRUG DEN SA BRGY BANAGO; ANUM, NADAKPAN

Share on facebook
Share on google
Share on pinterest
Share on twitter
Share on print

Gin sulod sang Philippine Drug Enforcement Agency ang isa ka drug den sa Purok Kitahanon, Brgy Banago, syudad sang Bacood kasunod sang natabo nga buy bust operation, kaina sang aga, Myerkules.

Suno kay PDEA-Negros Occ. head Nicholas Gomez, ang subject sang illegal drug operation amo si Ronnie Emalon, 45 anyos, nagamentenar sa drug den sang amo nga lugar.

Dugang pa ni Gomez, duha ka bulan nga gin-survey kag ginkuhaan pa sang mga litrato ang lugar ni Emalon nalakip na ang mga parokyano sini, rason nga naaktuhan pa sang operatiba nga nagasuyop pa sang ginasuspetsuhan shabu sanday Harold Jagolino, 33, Albert Dela Cruz, 30, Joseph Christian Descutido, 32, John Michael Cosino, 36 kag Iryll Benjamin 36 anyos.

Narekober sa suspek ang tatlo ka bulto kag siyam pa ka elongated plastic sachets sang ginasuspetsuhan shabu ginabulubanta 12 ka gramo ang kabug-aton nga may dangerous drug board value 81,000 ka pesos kag iban pa nga mga drug paraphernalia. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.