PDEA 6 MAY BAG-O NGA REGIONAL DIRECTOR

Share on facebook
Share on pinterest
Share on twitter
Share on print

May bag-o na nga regional director ang Philippine Drug Enforcement Agency (PDEA)-6 epektibo Hunyo 15, 2020.

Si Edgar Apalla sang PDEA-Cordillera Administrative Region (CAR) nga nakabase sa syudad sang Baguio ang magabulos kay Alex Tablate bilang tagpamuno sang PDEA-6 kun sa diin sakop ang probinsya sang Negros Occidental kag syudad sang Bacolod.

Sa interview sang Aksyon Radyo Bacolod kay Tablate, ginkumpirmar sini ang iya bag-o nga assignment kag promotion sa national headquarter sang PDEA.
Si Tablate ang magabulos kay Derrick Carreon bilang bag-o nga Service Director sang PDEA National Headquarter Laboratory Service.

Si Carreon ang ginpahamtang naman bilang Chief Public Information Officer sang PDEA- National Headquarters.

Suno kay Tablate, bulan sang Enero sini nga tuig sang nabaton sini ang promotion bilang Director II rasun kun ngaa nangin kwalipikado ini sa national position.

Si Tablate ang gin-assign sa PDEA-6 sadtong Desyembre tuig 2018 kag nagpangalad sa sulod sang isa ka tuig kag anum ka bulan.

Nagpasalamat naman si Tablate sa kooperasyon sang nagkalain-lain nga ahensiya sang gobyerno ilabi na sa madinalag-on nga barangay drug clearing operation. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

LOTTO RESULTS – APRIL 19, 2024

6/58 Ultra Lotto April 19, 2024
Winning Combination
(in any order) 14-02-33-15-27-45
Jackpot Prize Php 78,030,644.40
Number of Winner(s) 0

6/45 Mega Lotto April 19, 2024
Winning Combination
(in any order) 06-30-16-15-24-03
Jackpot Prize Php 40,545,640.20
Number of Winner(s) 0

What’s your Reaction?
+1
0
+1
0
+1
0
+1
1
+1
0
+1
0
+1
0

TUBTOB MAYO 30 GINPANGABAY SANG MGA NAGA NEGOSYO SA VENDORS’ PLAZA

Nagapangabay si Kapitan JR Alcantara sang Barangay 12 sang dugang nga 15 tubtob 30 dias para maka preparar kag makasaylo ang mga nagabaligya pa sa vendors’ plaza.

Una nga ginpahayag ni City Legal Officer Atty. Romeo Carlos Ting Jr., nga sa pag abot sang Lunes, Abril 20, pwersa nga pahalinon ang nabilin nga nagabaligya sa lugar kon indi boluntaryo nga magbiya matapos ang demand letter nga ginpapanaug.

Suno kay Alcantara, madugay na nga nagabaligya sa lugar ang mga naga karenderya antes paman gintukod ang vendors’ plaza.

Suno kay Alcantara, nagapangabay ini sang human consideration sa mga ma apektuhan nga ma plastar ang mga magagmay nga negosyante antes nga pahalinon lakip man ang financial assistance.

Liwat nga ginatindugan ni Alcantara ang pahayag sadto ni Mayor Albee Benitez nga wala sang demolisyon nga matabo kon wala pa maplastar ang sayluhan.

Ginpahayag sang Kapitan, gina comply pa sang iban nga residente ang requirements para sa relocation site sa Barangay Vista Alegre.

Sa record sang BHA, sa 64 ka kwalipikado nga pamilya, 35 na ka pamilya ang nakabaton sang award nga lote sa relocation site.

Suno kay Jerry Badayos, 50 anyos, 10 ka tuig na siya nga naga tyangge sa amo nga lugar kag ini ang nagaserbe sini nga palangabuhian.

Suno kay Badayos, sa meeting nila kaupod kay kapitan, nagpangayo sila sang bulig para nakalambot kay Mayor Albee Benitez ang ila pangabay nga makatiner kag makabaligya tubtob pa sa Mayo 30 kag indi sa adlaw nga ginhatag sang City Legal Office nga tubtob nalang sa Abril 22.

Ginapangabay man ni Badayos nga mahatagan sila sang pwesto sang syudad para makapadayon sa pagbaligya.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.