PDEA 6: MADUGAY NA NGA MODUS ANG PAGPAAGI SA COURRIER PROVIDERS ANG PAGPALUSOT SANG ILLEGAL DRUGS

Share on facebook
Share on google
Share on pinterest
Share on twitter
Share on print

Ginbulgar ni Philippine Drug Enforcement Agency (PDEA) Region 6 spokesperson Ma. Graziella Tanaleon nga madugay na nga modus sang mga sindikato sang droga ang pagpaagi sa mga courrier providers ang pagpalusot sang illegal drugs.

Ini ang reaksiyon ni Tanaleon kasunod sang pagkakumpiskar sang 13.6 million pesos sang ginasuspetsuhan shabu sa tatlo tanan ka persona sa Barangay Singcang Airport, syudad sang Bacolod, Lunes sang gab-i.

Sa nahibaluan ang items nga nakuha ginkuha lamang sa isa ka courrier provider kag base sa nakit an, gin impon ini sa karton sang cereal kag gatas.

Sa interview sa Aksyon Firing Line, ginpahayag ni Tanaleon nga nagapakig-angot na sila sa tanan nga courrier providers apang isa sa hangkat man sa ila amo ang pag-detect sang droga matapos nga ang mga sindikato madasig man nagahimo sang paagi agod nga makapalusot sa gihapon. | Aksyon Ann Defensor

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.