Nagalaum si PCG-Southern Visayas commander, Captain Eduardo De Luna nga maabot na sa Negros ang dugang pa nga mga k9 dogs para sa operations sang Philippine Coast Guard sa isla.
Suno kay De Luna, ang trained narcotics kag bomb sniffing dogs nalakip nga dire ang K9 unit personnel ang magahalin pa sa PCG Central Command nga ginhanas kag sarang nga maka-detect sa ilegal nga mga kontrabando.
Dugang pa ni De Luna, ang mga K9 dogs ang iya igadul-ong sa mga pwerto sa isla sang Negros sa tion nga maabot na ini sa isla.
Ginpahayag ni De Luna nga nakalab-ot na sa iya igtalupangod ang balor 13.6 milyunes ka pesos sang ilegal nga droga nga narekober sang mga otoridad sa Barangay Singcang Airport Syudad sang Bacolod, halin sa Manila rason nga iya ginmanduan ang mga coast guard personnels para hugot nga pagbantay sa mga kadagatan kag mga pwerto upod sa mga katapo sa Philippine Ports Authority.
Samtang, ginpasalamatan ni De Luna ang mga miyembro sang Philipinne Coast Guard Auxillary ilabi na ang pomuluyo sa syudad sang Bacolod kag Probinsya matapos nag donar sang relief goods para sa mga biktima sang Bagyo Ulysses.
Sa send off ceremony, ginpahayag ni De Luna nga indi magnubo sa isa ka libo ka mga pamilya sa Cagayan kag Bicol ang makabenepisyo sang relief goods.
Suno pa kay De Luna, ang barko kargado sang mga pagkaon, bugas, tubig panapton kag iban pa kag ginabulubanta 15 tonelada sang relief good gikan sa pila ka mga rehiyon sa Mindanao ang sakay sa barko BRP Batangas. | Aksyon Alvin Grava
