PAYOUT SA MGA LEFT-OUT FAMILIES SA SAP MAGA UMPISA BWAS TUBTOB AGUSTO 9

Share on facebook
Share on google
Share on pinterest
Share on twitter
Share on print

Maga umpisa ang DSSD Bacolod sang ‘digital payout’ sa mga accredited nga payout centers para sa 15,049 ka mga leftout families nga benepisyaryo sang Social Amelioration Prgoram sang Bacolod bwas nga adlaw, Agusto 5 tubtob 9.

Ang mga leftout beneficiaries ang makabaton sang 12,000 pesos nga ayuda para sa first kag secod tranche.

Tinalikan kuntane nga semana maga umpisa sa pag release sang ayuda apang wala ini nadayun kasunod nga kapin 20 ka DSSD kag DSWD workes ang gin quarantine kag gin swab test bangud sa exposure sa Covid-19 positive.

Sa interview sang Aksyon Radyo, gin pahayag ni DSSD Head Pacita Tero, nag gwa na ang resulta sang pila ka mga test kag ini ang negatibo samtang may pila pa ka mga resulta nga gina hulat tubtob karon.

Suno kay Tero, may pila ka DSWD workers gikan sa iban nga lugar sa probinsya ang maga augment sa Bacolod para sa payout.

Gin paathag ni Tero nga ang kada benepisyaryo ang may yara sang schedule kon san-o mabaton ang ila nga ayuda bangud 150 ka tawo lamang ang ma akomodar sang kada branch sang payout center sa isa ka adlaw.

Ang payout center ang gina lakipan sa Cebuana Lhuiller, MLhuillier, kag Western Union.

Ang mga benepisyaryo ang dapat mag dala sang SAP Form kag photocopy sang ila ID kag kon sala naman ang ila ngalan sa payroll dapat mag dala sang certification nga pirmado ni Tero.


Nag panugyan si Tero sa mga tigulang nga benipisaryo nga mag dala sang hubin nga himata para mag bulig fill out sang form sa pag-claim sang kwarta sa payout center.

Nanawagan si Tero sa mga benepisyaryo nga tumanaon ang social distancing kag mag suksok sang face mask.

Nag pangabay na si Tero sa Bacolod City Police Office sang assistance para mag bantay sa payout.

Samtang, wala pa sang schedule sa payout para sa mga nag register sa reliefagad.ph kag pila ka SAP beneficiary nga nalakip sa second batch sang payout. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.