PATIENT 53 SANG BACOLOD GIN SAYLO SA ISOLATION FACILITY SANG SYUDAD

Share on facebook
Share on google
Share on pinterest
Share on twitter
Share on print

Gin saylo si Patient 53 sang syudad sang Bacolod humalin sa iya balay sa Brgy. Mansilingan pakadto sa isa ka quarantine facility.

Si Patient 53 ang 33 anyos nga lalaki, isa ka Locally Stranded Individual, gikan sa Metro Manila kag asymptomatic.

Ang pasyente ang nag abot sa Bacolod sang Hunyo 28 sakay sa isa ka barko.

Sa interview sang Aksyon Radyo, gin pahayag ni Kapitan Boy Pico sang Brgy. Mansilingan, naga reklamo ang mga pumuluyo sa lugar nga dapat kuhaon ang pasyente sa lugar nga isa ka squatter area kasunod nga ma apektuhan sila sa tion nga ipatuman ang lockdown.

Suno kay Pico, base sa iya interview sa pumuluyo, wala naka gwa ang pasyente sa iya nga balay sang nag abot ini sa Brgy. Mansilingan.

Dugang pa ni Pico, ang asawa nga naga trabaho bilang kabulig ang wala sang close-contact sa iya bana kag naga dul-ong lamang sang pagkaon sa lugar pero ini ang gin hambalan nga mag home quarantine.

Nag pahamtang ang otoridad sang yellow lane sa gwa sang balay sang pasyente. | Aksyon Dale Salazar

MORE STORIES:

ANU ANG IMO MA KOMENTO?