PATIENT 5 SA BACOLOD COVID-19 FREE NA

Share on facebook
Share on google
Share on pinterest
Share on twitter
Share on print

Covid-19 Free na ang Patient 5 sa syudad sang Bacolod matapos ang duha ka negatibo nga Covid-19 test.

Base sa DOH Western Visayas Center for Health Development Bulletin No. 42 nga gin pagwa subong nga gab-i, tatlo ang bag-o nga naka recover sa virus sa Western Visayas.

Ini ang gina lakipan sang 28 anyos nga lalaki nga residente sang Bacolod, 25 anyos nga babaye nga residente sang Barotac Nuevo, Iloilo kag 44 anyos nga lalaki sang La Paz, Iloilo City.

Si Patient 5 sang Bacolod ang 28 anyos nga lalaki nga residente sang Doña Juliana Subdivision, Brgy. Taculing.

Siya ang may travel history sa USA kag Manila kag karon naka home quarantine.

Nag negatibo man sa una nga repeat test si Patient 9 nga isa ka 62 anyos nga babaye nga residente sang Purok Bayanihan, Banago kag karon naka-facility quarantine.

Isa pa ka negative test ang kinahanglan ni Patient 9 para mangin-recovered ang iya nga estado.

Gin anunsyo man sang DOH 6 ang isa ka bag-o nga Covid-19 case sa rehiyon, nga isa ka 32 anyos nga lalaki nga returning OFW, residente sang Pavia, Iloilo kag karon naka facility quarantined.

411 tanan ka lab results ang nag gwa, 405 diri ang negatibo, tatlo ang nag negatibo sa repeat test, isa ang positibo kag duha ang positibo sa repeat test.

Sa kabug-usan, ang Region 6 ang may 92 ka mga Covid-19 cases, 34 ang nakarecover kag 10 ang napatay. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.