PATIENT 2 SANG NEGROS OCCIDENTAL NAKA-RECOVER NA SA COVID-19

Share on facebook
Share on google
Share on pinterest
Share on twitter
Share on print

Nakarecover na ang 42 anyos nga lalaki nga Covid-19 Patient 2 sang Negros Occidental matapos ang duha ka negatibo nga RT-PCR Test.

Siya ang residente sang Brgy. Nato, banwa sang La Castellana.

Suno sa DOH Western Visayas Center for Health Development, duha ang bag-o nga naka recover sa virus, ini ang 21 anyos nga lalaki nga residente sang Miagao, Iloilo kag ang 42 anyos nga lalaki sang La Castellana.

Suno sa DOH 6, 229 tanan ka lab results ang nag gwa kag tanan ang negatibo.

Sa kabugusan, ang Region 6 ang may 92 ka Covid-19 cases, 38 ang naka recover kag 10 ang napatay. | Aksyon Dale Salazar

LALAKI, PILASON MATAPOS NAKURYENTE

(Contributed Photo | CTTO)

Nakuryete ang isa ka naga-sidline sa pagpamanday sa Purok Sunshine, Barangay E. Lopez, Syudad sang Silay.

Ang biktima ginkilala kay Antonio Zamora, 33 anyos, pamilyado nagapuyo sa Purok Langka sa amo man nga Barangay kag isa ka tricycle driver.

Suno sa ugangan ni Zamora nga si Edgar Relojas, iya ginsugo ang biktima nga kuhaon ang metal purlins sa ikaduha nga andana sang ila gina-ubra ugaling nasangit ini sa linya sang central negroa electric cooperative ukon ceneco.

Nahulog ang biktima kag nakaangkon sa madamo nga paso lawas kag nagsuka sang dugo. Gilayon ini gindala sang hospital. | Aksyon Bryan Morden

KASO BATUK SA LIMA KA NEGRENSE ROFs, GINAPREPARAR NA

Ginapreparar na sang gobyerno probinsiyal ang kaso nga pagsupak sa health kag safety protocols kontra coronavirus disease 2019 (Covid-19), batok sa lima ka mga Negrense Returning Overseas Filipinos (ROFs) nga wala magsugid sang ensakto nga impormasyon sa pagpauli sa Negros Occidental.

Duha sa lima amo ang mag asawa nga halin sa London United Kingdom (UK) nga nagpositibo sa Covid-19 pagbalik sa ila lugar sa Antipolo Pontevedra.

Ginpahayag ni Provincial Administrator Atty. Rayfrando Diaz II, ginahulat na lamang ang kompleto nga mga dokumento halin sa Provincial Legal Office , kag resolusyon sang Sanguniang Panlalawigan nga nagahatag sang otoridad sa pagpasaka sang kaso.

May report man nga isumiter ang probinsiya sa National Inter-Agency Task Force (NIATF) agud ipabalo ang natabo nga misdeclaration sang Negrense ROFs nga nagpakilala bilang mga Locally Stranded Individuals. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.